Францын Лодже уулын оргил дээрх нэгэн байгууламжийг танилцуулж байна.

       Далайн түвшнээс дээш 12.582 фийт өндөрт Монт Бланк оргил дээр байрлах  энэхүү ер бусын барилга нь уулын оргил руу тэмүүлэгч эрэлхэг уулчдын амарч тухлах байр болох юм.  Тус байгууламжийн эрчим хүчний хэрэглээг хангах зорилгоор нарны зайн хураагуур болон салхин сэнснүүд суурилуулсан. Энэхүү барилгын загварыг Group-H компаний захиалгаар Францын уулын клубт зориулж  Томас Бучи болон Хэрви Дессимоз нар гаргасан бөгөөд уулын оргил дээрх хамгийн өндөр барилга болох аж. 
      Монт Бланк оргилын хамгийн их уулчид зорчдог хэсгийг сонгож уг барилгыг барьсан бөгөөд 5 жилийн турш төлөвлөж, 3 жилийн хугацаанд барьжээ. Энэхүү уулын “зочид буудал” нэг дор 120 хүн хүлээн авах хүчин чадалтай бөгөөд барилгын нийт өртөг нь 6 сая евро болжээ. Байгаль орчинд ээлтэй тус байгууламж нь архитектурын хувьд үлгэр жишээ болохуйц инженерийн гайхалтай шийдэл болжээ.
      Уулчдын хоргодох байр хэмээн нэрлэгдэж буй тус барилгын цонхыг 3 давхар шилээр хийсэн бөгөөд энэ нь 300 км / цагийн хурдтай салхийг  эсэргүүцэж чадна. Барилгын салхин турбин, түүний дээвэр дээрх нарны зай хураагуур нь 750 хавтгай дөрвөлжин фут хэмжээтэй бөгөөд онцгой байдлын үед газрын тосон түлшийг ашиглах боломжтой. Түүнчлэн цэвэр  усны нөөцийг хэмнэх зорилгоор ариун цэврийн өрөө, угаалтуурын хэсэгт цас хайлуулж ашиглаж болно.