Монгол банк арилжааны банкуудаас ирсэн ипотекийн зээлийн мэдээллийг нэгтгэн сар бүр олон нийтэд зарладаг уламжлалтай. 2015 оны 07 дугаар сарын 17-ны өдрийн байдлаар өмнө нь орон сууцны ипотекийн зээл авсан зээлдэгчдээс 839.4 тэрбум төгрөгийн зээлийг 8 хувийн хүүтэй зээлийн эх үүсвэрээр дахин санхүүжүүлэх хүсэлт арилжааны банкуудад ирсэн байна. Үүнээс банкууд 19132 зээлдэгчийн нийт 566.7 тэрбум төгрөгийн ипотекийн зээлийг дахин санхүүжүүлж, 8 хувийн хүүтэй ипотекийн зээл рүү шилжүүлсэн байна.