Гэрийнхээ нэгээхэн хэсгийг өөрчлөхөд нэлээд том зүйл өөрчлөгдсөн мэт санагдах нь бий. Иймд нэг жижиг хэн зүйлээр гэртээ өнгө нэмэх аргыг зааж өгөхөөр шийдлээ. Эмэгтэйчүүд баяр ёслолоор цэцэг авчихаад хаяхад хайран санагдах нь бий. Энэ үед цэцгийг хатааж гэрийнхээ өнгө нэмэхэд туслаж болох юм. Мөн энэ арга сонирхолтой санагдвал цэцэг худалдан авч хатаан, аль нэг хэсэгтээ байршуулсан ч болох юм. Хатаахад тод өнгийн цэцэг илүү тохиромжтой байдаг гэнэ. Гэхдээ улаан өнгийн цэцгээс цэнхэр, шар өнгийн цэцэг илүү гоёмсог хатдаг байна. Цэцэг бүр өөрийн бэлгэдэлтэй тул бэлгэдлийг нь бодолцон цэцэг хатаах нь ч бий. Сүүлийн үед тариан түрүү гэртээ байлгах нь сайн хэмээн үзэх болсон. Хатаасан цэцгийг яг тариан түрүү мэт гэртээ тавихад л болох юм. 

Юуны өмнө цэцгийг хатаахын тулд доош харуулан өлгөнө.

Ингэхдээ нарны шууд тусгалаас хол хуурай, сэрүүн нөхцөл байлгах ёстой юм. Нар тусгалаас хол гэхээр харанхуй өрөө, эсвэл агуулахад байршуулана гэсэн үг биш бөгөөд өглөөний нарнаас хол байх тйи газрыг олж байршуулаарай. Ингэхэд цэцэг хэд хоногтоо аажмаар хатна.
Үүний дараа тасалгааны үнэр дарагч цацан, хэлбэр дүрсийг засан дахин хатаана. Энэ нь цэцгийг илүү гоёмсог хатахад туслах юм.
Ингээд хэдэн өдөр хатаасны  дараа авч, зөөлөн даавуун уяагаар уяж хүссэн газартаа байршуулж болно. Ямар вааранд хийх, хаана байршуулах нь таны дур боловч санаа өгөх үүднээс зургууд орууллаа.






Мөн хатсан цэцгийн дэлбээнүүдийг салган авч усанд орохдоо тайвшруулагч болгон ашиглаж болно.