Ногоон барилгын талаар сүүлийн үед их ярих боллоо. Байгаль орчинд ээлтэй барилгыг ногоон барилга гэнэ гэх ойлголттой болоод Монголчууд бид удаж байгаа. Энэ ойлголтыг дэлгэрүүлэх үүднээс уншигч танд дараах мэдээллийг хүргэж байна.
Ногоон барилга гэдэг нь:  эрчим хүчний хэмнэлттэй дэвшилтэт технологи нэвтрүүлсэн, хүний эрүүл мэнд болон байгаль орчинд ээлтэй гээд маш олон хүрээний асуудлыг хамарсан ойлголт юм.



Ногоон барилгын үзэл баримтлал

Ногоон барилга нь барилгыг төлөвлөх, барих, ашиглах бүхий л хугацааг хамарсан ойлголт бөгөөд хүний эрүүл мэнд, байгаль орчинд ээлтэй байх, нөөцийг үр ашигтай ашигласан байх шийдлийг барилгын ажлын төлөвлөлт, архитекторын шийдлээс эхлэн тусган хэрэгжүүлдэг онцлогтой аж.

Мөн эдийн засаг, нийгэм, байгаль орчны үнэ цэнийг нэгтгэн илэрхийлдэг төдийгүй бидний амьдарч, ажиллах барилга байгууламж нь эдийн засгийн буюу нөөцийн хувьд үр ашигтай, хэмнэлттэй, ашиглах хугацаа харьцангуй урт, тав тухыг илүү хангасан байх нөхцлийг ногоон барилгын үзэл баримтлал чухалчилдаг. Энд нэг тоо баримт дурдая.
1900 он дэлхийн нийт хүн амын 10% хотуудад амьдарч байлаа. Харин одоо дэлхийн нийт хүн амын 50% хувь хотуудад амьдарч байна. 2050 онд энэ тоо 75% хувьд хүрнэ.


 
Ногоон барилгын зарчмыг хэрэгжүүлэх нь эдийн засгийн, нийгмийн, байгаль орчны, засаглалын гэсэн ангилалд хуваадаг. 
Эрчим хүч, ус, бусад байгалийн нөөц баялгийг үр ашигтай ашиглах, оршин суугчид, эзэмшигчдийн эрүүл мэндийг хамгаалах, тав тухыг хангаж, бүтээмжийг нэмэгдүүлэх,ог хаягдал, орчны бохирдол, байгаль орчинд үзүүлэх сөрөг нөлөөллийг бууруулах зорилго агуулдаг.
Түүнчлэн ногоон барилгын үзэл баримтлал нь ногоон эдийн засаг, ногоон хөгжил, цаашилбал, тогтвортой хөгжлийн үндэс болдог.