Испани, Франц хоёр улсын дунд орших Пайрини уулын оройгоос харагдах энэ ер бусын барилгыг уншигч танд танилцуулъя. Зусландаа эсвэл хотоос зайдуу өвлийн хаус барьж байгаа бол та эндээс шинэлэг, сонирхолтой санаа авахад илүүдэхгүй биз ээ.

Уулын дундах харуй бүрийг гэрэлтүүлэгч гайхалтай барилгын дизайныг тус Пайрини хэмээх уулын оройд архитектор Кадавал, Сола Моралес нар гаргажээ.
Испаний нутагт хамаарах Пайрини уулын эгц сүрлэг өндөрлөгөөс харах юм бол барилгын чулуун экстерьер, донжийг нь олж сонгосон шовх орой нь интерьер болоод  экстерьерийнх нь онцлогийг тодотгон харуулж чадсан байна.





Барилгын гадна талыг уулын хавцал хөндийгөөс харвал хуучны “хуурай чулуу”-г орчин үеийн том шилэн ханатай эсрэгцүүлэн, занаран өнгийн модон хөвөө таазтай хослуулжээ.





Харин уулын орой дээрээс харахад барилгын мансард дахь эгнэсэн олон цонхнууд нь урд сүндэрлэх уулын оройг харахад зориулагдсан юм.







Ерөнхийдөө энэ барилга нь тухайн газар нутгийнхаа байгалийн сайхныг тольдон харахад тун таатай нөхцлийг бүрдүүлсэн өвөрмөц шийдэлтэй, яахын аргагүй шилдэг дизайны нэг болж чадсан байгаа.