Техник, технологи хөгжихийн хирээр олон улс орон төрөл бүрийн нэр төрлийн плитануудыг үйлдвэрлэх болжээ. Энд шаазан, модон тэр ч бүү хэл ноосоор хүртэл дэгжин, чамин атлаа ахуйн хэрэгцээнд нийцсэн, өвөрмөц чамин  хавтангуудыг үйлдвэрлэх болжээ.
Таны харж байгаа эдгээр зургуудад өнгөлгөөний янз бүрийн хавтангууд өрөө тасалгаа, заал танхимыг хэрхэн донжтой харагдуулж байгааг мэдэрч болох юм. Хавтан бүр өөрийн гэсэн онцлогтой. Үүнд:

Энэхүү хавтан нь маш өндөр даралт болон температурт шахаж бэлтгэсэн байгалийн гаралтай барилгын модон материал юм. OSB хавтангийн үйлвэрлэлийн технологи нь 95 хувийн модон материал болон таван хувийн цавуу байхаар стандарчилан тооцоолдог. Хавтангийн давхаргыг зузаанаас нь хамааран харилцан адилгүй үйлдвэрлэнэ. Орчин үед OSB хавтангийн хамгийн их үйлдвэрлэлтийг Канад болон АНУ-д хийж байна. Үйлдвэрлэлд 8-18 мм ийн хавтанг хамгийн нягт сайтай хийж болдог. Харин 28-25 мм зузаан хавтангийн нягт 600 кг/м.куб-ээс дээш гарч чаддаггүй.



OSB хавтан нь энгийн фанер болон ДСП хавтантай харьцуулбал нягт, бат бөх,  ус даах чадвар өндөр байдаг. Мөн галд тэсвэртэй. Өөрөөр хэлбэл орчин үеийн технологийн дэвшилтэт аргаар үйлдвэрлэсэн шинэ хэлбэрийн ДСП хавтан гэж ойлгож болно. Ер нь өндөр нягтралтай OSB хавтанг барилгад хана, шал, дээврийн өнгөлгөөнд хэрэглэдэг бол тавилгын үйлдвэрүүдэд бас өргөн ашиглана. OSB хавтанг ус даах чадвар болон нягтралаар нь дөрөв ангилдаг. MELAMINE цавуугаар бэхжүүлсэн OSB2 хавтан нь ус даах чадвар бага боловч үнэ хямд.



Энэ төрлийн хавтанг дотор ханын  өнгөлгөөнд ашигладаг. WBP цавуугаар бэхжүүлсэн OSB3 хавтан илүү өндөр үнэтэй бөгөөд ус даах чадвар сайн байдаг тул гадна ханын өнгөлгөөнд ашиглана. Харин өндөр үнэтэй OSB4 хавтанг маш их чийглэг бүс нутагт өргөн хэрэглэдэг.



OSB модон хавтан нь дулаан хадгалах чанар өндөр, дуу чимээг тусгаарлах чадвар ч сайн. Зүсэж хөрөөдөхөд үйрч унадаггүй, гадна үзэмж сайхан. Энэ хавтан нь хөнгөн чанартай бөгөөд нэг хавтан зузааны хэмжээнээсээ шалтгаалан 15-33 кг жинтэй байна.

Манайхан барилгын дулаалга, хавтанг гаднаас импортолсоор өдий хүрсэн. Харин одоо гадагшаа чиглэх валютын урсгалд хязгаар тавихаар Монгол инженер, эрдэмтэд нэгэн шинэ санааг сэдсэн нь хонины ноосоор барилгын дулаалга, хавтан үйлдвэрлэх юм. Барууны орнуудын сонирхлыг маш ихээр татаад байгаа энэхүү шинэ бүтээгдэхүүн Монгол улсын хувьд хэрэгжүүлэх боломжтойн дээр ач холбогдол өндөртэй юм.



Монгол улсад таван хошуу малын тоо толгойд хонь дээгүүр байр эзэлдэг. Тэр  хэмжээгээр нийт ноосон түүхий эдийн 70 гаруй хувийг хонины ноос эзэлдэг. Тэгэхээр хонины ноосыг зөв зохистой ашиглах талаар зайлшгүй анхаарах шаардлагатай болсон. Англи, Герман, Япон, Ирланд, Шинэ Зеланд, Канад зэрэг улсуудад барилгын дулаалгын материалыг хонины ноосоор хийдгийг Монголчууд судалжээ. Хүний эрүүл мэндэд ямар ч хоргүй, экологийн цэвэр бүтээгдэхүүн хийх түүхий эдийн нөөц нь байгаа учраас үүнийг өөрийн эх орондоо үйлдвэрлэхээр эхний туршилтыг хийсэн байна.


Ингэхдээ хэд хэдэн технологиор туршсан нь манай Монгол хонины ноос барилгын материал хийхэд тохиромжтой гэсэн дүгнэлт гарчээ. Ингээд Хөнгөн Үйлдвэрийн Судалгаа Хөгжлийн Хүрээлэнгийн “Ноос Судлалын Төв” нь инновацийн төсөл авч БСШУЯ, ХХААХҮЯ-тай хамтарч жишиг үйлдвэр байгуулах гэрээ байгуулжээ.



Одоо бол зөвхөн тоног төхөөрөмжөө авах л үлджээ. Барилгын дулаалгын материал хийх нь механик технологи учраас тоног төхөөрөмж зайлшгүй шаардлагатай бөгөөд ноосыг эхлээд угаах, дараа нь задлах, сэмлэх, самнах гээд дандаа механик ажиллагаа шаарддаг. Шаардлагатай тоног төхөөрөмжийг гадаадаас авахаар судалгааныхаа ажлыг гүйцэтгэн яваа юм байна.



Дэлхий даяар барилгын энэхүү материалын талаар мөрдөгдөх нэг л стандарт байдаг ба үүнд тохируулахын тулд өргөн, зузааны стандарт хэрэгтэй. Ноосон дулаалгын хавтангийн урт нь 120 см, 40-60 см-ийн өргөнтэй байх юм байна.

Харин уншигч таны харж байгаа энэхүү шаазан хавтан нь гэр болоод албан тасалгааны хичнээн донжтой чимэглэл болж байгааг эндээс хараарай. Орчин үед ханын хавтан буюу бидний хэлж заншсан плитаг зөвхөн хавтан төдийхнөөр бус нэлэнхүйд нь чимэглэл бас хэрэгцээ маягаар ийнхүү шийдсэн нь яахын аргагүй санаа авч болохуйц, өвөрмөц шийдэл юм.