Манай улсын банкны системийн чанаргүй зээл өнгөрсөн оны 12-р сарын эцэст 625,7 тэрбум болж, өмнөх сараас 0,9 хувь өссөн байна. Энэ нь 2013 оны мөн үеийнхтэй харьцуулахад 59,9 тэрбум төгрөгөөр өссөн үзүүлэлт юм. Түүнчлэн чанаргүй зээл нийт зээлийн өрийн үлдэгдлийн таван хувийг эзлэж байгаа аж. Харин хугацаа хэтэрсэн зээлийн өрийн үлдэгдэл өнгөрсөн оны 12-р сарын эцэст 269,5 тэрбум төгрөг болж өмнөх сарынх 39,4 хувиар буурчээ. Үүнийг 2013 оны мөн үетэй харьцуулахад 2,3 дахин өссөн байна. банкны салбараас нэлээд хамааралтай манай улсын эдийн засгийн хувьд тйимч сайн биш аж. Дэлхийн банк энэхүү өсөлтийн шалтгааныг барилгын болон худалдааны салбартай холбон тайлбарласан байна. Тодруулбал: 2013 оны дунд үеэс энэ 2 салбарын зээлийн чанар нэлээд мууджээ. Барилгын салбарын асуудалтай зээлийн хэмжээ 2013 оны гуравдугаар улиралд 58 тэрбум төгрөг байсан бол өнгөрсөн оны мөн үед 139 тэрбум төгрөгт хүрч, 41 хувиар өссөн байна.                                                                                                                                                                                                                         Мөн барилга болон худалдааны салбарын чанаргүй болон хугацаа хэтэрсэн зээл нь сүүлийн 12 сарын хугацаанд хурдтай нэмэгджээ. Тухайлбал, худалдааны салбарын чанаргүй зээл 73хувь, барилгынх 59 хувиар тус бүр нэмэгджээ.