Сүүлийн үед орон сууцанд амьдрах сонирхолтой иргэдийн тоо олон байгаа боловч 8%-ийн зээлийг олгож буй банкуудыг тавигдах шаардлага улам өндөрсөөр л хэр баргийн хүн дийлж авахааргүй болжээ.
Хэрвээ та газраа өмчилж авсан бол заавал нийтийн орон сууцанд амьдралгүй, өөрийн хашаандаа, өөрийн санаанд нийцсэн зургийн дагуу барьсан байшиндаа боловсон орон сууцнаас илүү тохитой амьдрах нь жаргал биш гэж үү? 

         Гэр хорооллоос бусад өмчлөлийн газар дээр архитектурын зураг төслийн дагуу барьсан, нийтийн инженерийн шугам сүлжээнд холбогдсон эсхүл бие даасан цэвэр, бохир усны болон халаалтын систем бүхий хувийн байшинг амины орон сууц гэнэ.

                  Амины орон сууц барихын тулд

1.    Газар болон үл хөдлөх хөрөнгийн өмчлөх эрх улсын бүртгэлд бүртгэгдсэн байх.
2.    Амьдран суух зориулалттай.
3.    Газрын кадастрын зургийн дагуу хашаа баригдсан байх.
4.    Барилгын төсөвт тусгагдсан ажлын гүйцэтгэл нь Банкнаас тогтоосон хэмжээнээс багагүй байх ба банкнаас тогтоосон хугацаанд барьж дуусган тухайн байшинг өмчлөх эрхийг улсын бүртгэлд бүртгүүлж, банкинд барьцаалуулах боломжтой байх.
5.    Амины орон сууц нь дулаан, цэвэр, бохир ус, цахилгаан зэрэг нийтийн инженерийн шугам сүлжээнд холбогдох боломжтой байх, эсхүл цахилгаан, дулаан, цэвэр, бохир усны бие даасан системтэй байх ба энэ талаар барилгын төсөвт нарийвчлан тусгагдсан байх.
6.    Амины орон сууцны барилгын ерөнхий төлөвлөгөө гарсан, барилгын зөвшөөрөл, захирамж, инженерийн шугам сүлжээнд холбогдох техникийн нөхцөл, барилга барих зөвшөөрлүүдийг авсан, гүйцэтгэгчтэй ажил гүйцэтгэх гэрээ байгуулсан, гүйцэтгэлийн акт үйлдсэн байх.
7.    Амины орон сууцны архитектурын план зураг, барилгын төсвийг мэргэжлийн төсөвчнөөр батлуулсан байх.