Тансаг зэрэглэлийн орон сууцны үнэ Нью-Йоркт хамгийн ихээр өсчээ
Нью-Йоркийн тансаг зэрэглэлийн орон сууцны үнэ өнгөрсөн онд 19 хувиар өссөн нь дэлхийн бусад хотуудтай харьцуулахад хамгийн өндөр үзүүлэлт боллоо. АНУ-ын эдийн засгийн өсөлт эрчимжихийн зэрэгцээ өндөр өртөгтэй төслүүдэд гадаадын худалдан авагчид хөрөнгө оруулсан нь үүнд нөлөөлжээ. Үл хөдлөх хөрөнгийн зөвлөх үйлчилгээ үзүүлдэг “Knight Frank" компанийн мэдээлснээр тансаг зэрэглэлийн орон сууцны үнэ
Xамгийн ихээр өссөн 10 хотын дөрөв нь АНУ-ын хотууд байгаа аж. Тухайлбал жагсаалтыг тэргүүлсэн Нью-Йоркийн дараа хоёрдугаарт Колорадо мужийн Аспен, зургадугаарт Сан Франциско, харин аравдугаарт Лос-Анжелес хот бичигджээ. Харин Буэнос-Айрес, Швейцарийн Кран-Монтанад тансаг зэрэглэлийн орон сууцны үнэ хамгийн ихээр буюу 15 хувиар буурсан бол Сингапурт 12.4 хувиар буурчээ. Жагсаалтыг тэргүүлсэн Нью-Йорк хотод “Extell Development" компанийн “One57" пентхаус өнгөрсөн оны 12 дугаар сард 100.5 сая ам.доллараар зарагдаж, дээд амжилтыг тогтоож байсан юм. Энэ онд Нью-Йоркийн Манхэттэнд шинээр баригдсан тансаг зэрэглэлийн 2386 орон сууцыг зах зээлд нийлүүлэх юм байна. Энэ нь урьд өмнө байгаагүй өндөр үзүүлэлт гэж “Corcoran Sunshine Marketing Group" тооцоолжээ. Тус компанийн хувьд ам метр нь 25 мянган ам.доллараас үнэтэй орон сууцыг тансаг ангилалд хамааруулдаг байна. “Knight Frank"-ийн тайланд тусгаснаар нэг сая ам.доллараар Нью-Йоркт 34 ам метр талбайтай тансаг зэрэглэлийн орон сууц авах боломжтой бол Лондонд 21 ам метр, Монакод ердөө 17 ам метр талбайтай орон сууц худалдан авах боломжтой ажээ.
Xамгийн ихээр өссөн 10 хотын дөрөв нь АНУ-ын хотууд байгаа аж. Тухайлбал жагсаалтыг тэргүүлсэн Нью-Йоркийн дараа хоёрдугаарт Колорадо мужийн Аспен, зургадугаарт Сан Франциско, харин аравдугаарт Лос-Анжелес хот бичигджээ. Харин Буэнос-Айрес, Швейцарийн Кран-Монтанад тансаг зэрэглэлийн орон сууцны үнэ хамгийн ихээр буюу 15 хувиар буурсан бол Сингапурт 12.4 хувиар буурчээ. Жагсаалтыг тэргүүлсэн Нью-Йорк хотод “Extell Development" компанийн “One57" пентхаус өнгөрсөн оны 12 дугаар сард 100.5 сая ам.доллараар зарагдаж, дээд амжилтыг тогтоож байсан юм. Энэ онд Нью-Йоркийн Манхэттэнд шинээр баригдсан тансаг зэрэглэлийн 2386 орон сууцыг зах зээлд нийлүүлэх юм байна. Энэ нь урьд өмнө байгаагүй өндөр үзүүлэлт гэж “Corcoran Sunshine Marketing Group" тооцоолжээ. Тус компанийн хувьд ам метр нь 25 мянган ам.доллараас үнэтэй орон сууцыг тансаг ангилалд хамааруулдаг байна. “Knight Frank"-ийн тайланд тусгаснаар нэг сая ам.доллараар Нью-Йоркт 34 ам метр талбайтай тансаг зэрэглэлийн орон сууц авах боломжтой бол Лондонд 21 ам метр, Монакод ердөө 17 ам метр талбайтай орон сууц худалдан авах боломжтой ажээ.