Барилгын салбар хариуцсан төрийн хамгийн том байгууллага болох Барилга, хот байгуулалтын яам шинэ сайдтай болсныг дагаж бүтэц бүрэлдэхүүндээ өөрчлөлтийг хийжээ. Салбарын яамны дотоод бүтэц батлагдаж, нийтэд ил болсон ч төрийн албаны чиг үүрэг хэрхэн хуваарилагдаж, хэн хариуцаж байгааг төдийлөн мэдэхгүй байгаа нь анзаарагдсан тул та бүхэнд туслах үүднээс энэхүү мэдээллийг хүргэж байна.Өмнө нь зургаан газартай байсан Барилга, хот байгуулалтын яам одоо таван газар дөрвөн хэлтэстэй болжээ. Тодруулвал:

Төрийн захиргаа удирдлагын газар / дарга Б.Баярсайхан/
Стратегийн бодлого, төлөвлөлтийн газар / дарга У.Отгонбаяр/
Хот байгуулалт, газрын харилцааны газар /дарга Батбаяр/
Барилга, нийтийн аж ахуйн бодлогын газар /Б.Баасан/
Барилгын чанар, оюулгүй ажиллагааны бодлогын газар  / дарга  Ц.Ганбат/ гэсэн таван газартай байх бөгөөд

Төрийн захиргаа удирдлагын газар нь

Санхүү, төрийн сангийн хэлтэс / дарга Гантулга/
Хяналт, шинжилгээ, үнэлгээ, хууль, дотоод аудитын хэлтэс  /дарга Бат-Эрдэнэ/ гэсэн хоёр хэлтэстэй

Стратегийн бодлого, төлөвлөлтийн газар нь

Норм нормативийн хэлтэс / дарга Амарсайхан/
Үл хөдлөх хөрөнгийн зах зээл, хөрөнгө оруулалтын хэлтэс / дарга М.Ибрай/ гэсэн хоёр хэлтэстэй нийт дөрвөн хэлтэстэй байхаар батлагдсан байна. Доорх зургаас илүү тодорхой харагдах биз ээ.