Монгол улсад мөрдөгдөж байгаа татварын талаар ойлголт бага байгаа бол Татварын ерөнхий газраас иргэд, аж ахуйн нэгжүүдэд зориулсан анхан шатны сургалтанд хамрагдаарай.
 “Татвар төлөгчдийн танхим” буюу Татварын ерөнхий газрын төв байранд болох энэхүү сургалт нь  2015 оны 1 дүгээр сарын 19-ний өдрөөс 2 дугаар сарын 6-ны өдрийг дуустал хугацаанд долоо хоног бүрийн Даваа, Лхагва, Баасан гарагуудад үдээс өмнө 9.00-12.00 цагийн хооронд ААН-үүдийг, үдээс хойш 14.00 цагаас татвар төлөгч иргэдийг  хамруулах аж. 
            Сургалтаар ААН-үүдэд зориулан  ААНОАТ, ХХОАТ-ын тухай хууль тогтоомж, татварын тайлагнал, татварын хөнгөлөлт чөлөөлөлт, алдагдлыг шилжүүлэн тооцох тухай, НӨАТ-ын тухай хууль тогтоомж, холбогдох эрх зүйн баримт бичгүүд, Татварын цахим тайлан гаргах, илгээхэд анхаарах асуудлууд сэдвээр татварын улсын байцаагч Н.Бат-Эрдэнэ, Б.Очирхуяг, Н.Бямбаа, Д.Баярцэцэг, З.Ганболд нар, Хувь хүний орлогын албан татвар төлөгч иргэдэд зориулан ХХОАТ-ын тайлан гаргах, хөнгөлөлт чөлөөлөлтийн тухай  татварын улсын байцаагч Н.Бат-Эрдэнэ Д.Болор-Эрдэнэ, Н.Жаргалцэцэг нар тус тус хичээл заах гэнэ.