Спортын төв ордоны шинэ барилга ямар байх вэ?
Үндэсний шигшээ багийнхны бэлтгэл сургуулилтаа хийдэг гол газар болох Спортын төв ордон нурж мэдэхээр болсон тухай яригдах болсоор удаж буй. Харин 1985 онд анх ашиглалтанд орж байсан энэхүү барилгыг шинэчлэн барихаар болсон тухай баяртай мэдээ саяхан дуулдах болов.
Манайд хамгийн том ”Буянт-Ухаа” спорт цогцолборыг барьсан БНХАУ-ын төрийн өмчит “Шанхай констракшн” Спортын төв ордоныг шинэчлэн барих бөгөөд саяхан хоёр тал хамтарсан санамж бичигт гарын үсэг зурж баталгаажуулжээ.
Манайд хамгийн том ”Буянт-Ухаа” спорт цогцолборыг барьсан БНХАУ-ын төрийн өмчит “Шанхай констракшн” Спортын төв ордоныг шинэчлэн барих бөгөөд саяхан хоёр тал хамтарсан санамж бичигт гарын үсэг зурж баталгаажуулжээ.
Шинэ Спортын ордон нь 50 метр усан бассейн, 2500 хүний суудалтай спорт, урлагийн төв заал, 1000 хүний суудалтай туслах заал, Үндэсний шигшээ баг болон өсвөрийн тамирчдын бэлтгэл, дасгалжуулалт хийх зориулалт бүхий бэлтгэлийн 30 гаруй заал, эдгээр тамирчдад үйлчилгээ үзүүлэх спортын эмнэлэг, бэлтгэл, дасгалжуулалтанд хяналт тавих лаборатори, спортын сургууль, албаны тасалгаа, зочид буудал бүхий цогцолбор байхаар төлөвлөгджээ. Барилгын ажил яг хэзээнээс эхлэх нь одоогоор тодорхой бус байна.