2014 оны 12 сарын байдлаар Улаанбаатар хотод төвийн 6 дүүргийн хэмжээнд нийт 167 төсөл борлуулалт хийж байгаа бөгөөд үүний 162 нь судалгааны шаардлагыг хангаж буй шинэ орон сууцны төсөл байгаа юм. Нийт төслийн 69 орчим хувийг нийслэлийн Баянзүрх болон Хан-уул дүүрэг дангаараа эзэлж байна. 



 

Зах зээл дээр борлуулалт хийж буй ашиглалтанд орсон болон ашиглалтанд ороогүй орон сууцны 1м2 -ын дундаж үнийг авч үзэхэд энэ оны 12-р сарын байдлаар 2,340 мянган төгрөг байна.

Шинэ орон сууцны дундаж үнийг 12-р сарын байдлаар авч үзэхэд, хамгийн өндөр үнэтэй дүүрэг болох нийслэлийн Хан-Уул дүүрэг 2,667 мянган төгрөг, Сүхбаатар дүүрэг 2,647 мянган төгрөг, Баянзүрх дүүрэг 2,273 мянган төгрөгийн дундаж үнэтэй гарлаа. Харин бусад дүүргийн шинэ орон сууцны дундаж үнэ 2.16 саяас доош үнэлгээтэй байгаа юм.