Улиастайн гүүрээс “Дүнжингарав” худалдааны төв хүртэлх авто замын нээлт хэдхэн сарын өмнө болсон. Нийслэлийн зүүн хэсгийн авто замыг сайжруулах, хурдны зам байгуулах ажлын нэгээхэн хэсэг дээрх ажил байсан гэдэг. Тэгвэл Нийслэлийн Засаг дарга бөгөөд Улаанбаатар хотын Захирагч Э.Бат-Үүл “Бээжин констракшн Инженеринг групп” ХХК-ийн гадаад төсөл хариуцсан орлогч захирал Гуо Жинху тэргүүтэй төлөөлөгчдийг өчигдөр хүлээн авч уулзахдаа Улиастайн уулвараас Баянзүрхийн товчоо хүртэлх 3.4 км зам, 288 метр урт гүүрийг барих ажлын хүрээнд “Бээжин констракшн Инженеринг групп” ХХК-тай хамтран ажиллах талаар санал солилцсон байна. Энэ үеэр
Баянзүрхийн товчооноос Налайх хүртэлх хурдны замыг “Бээжин констракшн Инженерийнг групп” ХХК-иар хийлгэх саналтай байсан. Гэвч Засгийн газраас тодорхой саналууд тавин уг асуудал эцэслэн шийдвэрлэгдээгүй учраас ярих боломжгүй байна. Эхний ээлжинд Улиастайн уулзвараас Баянзүрхийн товчоо хүртэлх замыг барих санхүүжилтийн асуудлыг “Exim” банкинд тавьж шийдвэрлүүлж хамтран ажиллах саналтай байгаагаа мэдэгдсэн байна. “Бээжин констракшн Инженеринг групп”-ийн зүгээс ч мөн хамтран ажиллах саналтай байгаагаа илэрхийлжээ.