Дэд сайд Г.Байгалмаа БНЧУ-д айлчилж, барилгын салбарт хамтарч ажиллахаар боллоо
Монгол Улсын Ерөнхийлөгч Ц.Элбэгдоржийн 2015 оны 01 дүгээр сарын 18-наас 20-ний өдрүүдэд Бүгд Найрамдах Чех Улсад хийсэн төрийн айлчлалын бүрэлдэхүүнд Барилга, хот байгуулалтын дэд сайд Г.Байгалмаа албан ёсоор оролцон ажилласан билээ.
Энэ үеэр зохион байгуулагдсан Бизнес форумд “Монгол, Чехийн барилгын салбарын хамтын ажиллагааны чиглэл, хөрөнгө оруулалтын боломж” сэдвээр илтгэл тавив. Бизнес форумд монголын талаас 30 орчим, чехийн талаас 70 орчим аж аж ахуйн нэгж, бизнесийн байгууллагуудын төлөөлөл оролцсон томоохон танилцуулга ярилцлага болж, худалдаа, хөрөнгө оруулалт, бизнесийн салбарт хамтран ажиллах бодит боломжийн талаар харилцан мэдээлэл, санал солилцсон юм.
Энэ үеэр зохион байгуулагдсан Бизнес форумд “Монгол, Чехийн барилгын салбарын хамтын ажиллагааны чиглэл, хөрөнгө оруулалтын боломж” сэдвээр илтгэл тавив. Бизнес форумд монголын талаас 30 орчим, чехийн талаас 70 орчим аж аж ахуйн нэгж, бизнесийн байгууллагуудын төлөөлөл оролцсон томоохон танилцуулга ярилцлага болж, худалдаа, хөрөнгө оруулалт, бизнесийн салбарт хамтран ажиллах бодит боломжийн талаар харилцан мэдээлэл, санал солилцсон юм.
Айлчлалын үеэр Дэд сайд Г.Байгалмаа БНЧУ-ын ҮХЯ-ны дэд сайд ноён Владимир Баартл-тай албан ёсны уулзалт хийж, барилга, хот байгуулалтын хамтын ажиллагааны боломжуудын талаар ярилцлаа. Ноён Баартл Монгол Улсад 2015 онд зохион байгуулагдах Монгол, Чехийн ЗГГХК-ын хуралдааны товыг хүлээж буйгаа энэ дашрамд илэрхийлсэн байна. Түүнчлэн Дэд сайд Г.Байгалмаа Чехийн Барилгын техник, туршилтын төв /TZUS/ -ийн захирал ноён А.Шафаржик Прштрозц-тэй хийсэн уулзалтаар барилга, барилгын материалын чанар, аюулгүй байдалд хяналт тавьж, туршилт, сорилт явуулж, баталгаажуулалт хийх эрх зүйн баримт бичиг, аргачлалын сургалтыг Монгол Улсад хамтран явуулах, энэ чиглэлээр Чех Улсад холбогдох мэргэжилтнүүдийг сургах зэрэг чиглэлээр хамтран ажиллах талаар ярилцлав.
Айлчлал олон талаар ач холбогдол өндөртэй болж байна гэж албаныхан дүгнэсэн байна. Юуны түрүүн хоёр улсын хооронд төрийн тэргүүний өндөр дээд хэмжээний айлчлал сүүлийн есөн жил завсарласны дараа хэрэгжиж байгаа нь дипломат харилцааны өндөр түвшинг хадгалахад нэн чухал ач холбогдолтой болсон байна. Манай төрийн тэргүүний энэ улсад 1999 онд айлчилснаас хойш 16 жилийн дараа энэхүү айлчлал хэрэгжсэн байна. Нэн ялангуяа энэ айлчлал хоёр орны хооронд дипломат харилцаа тогтоосны түүхэн 65 жилийн ойн эхэнд тохиож байгаагаараа агуулгын хувьд илүү онцлогтой болжээ.