CBRE байгууллага хоёр жил тутамд нэг удаа гаргадаг “Энгийн оффисын түрээсийн төлбөр” судалгаагаа гаргажээ. Уг судалгаагаар дэлхийн хамгийн өндөр үнэтэй оффисын байршлаар Ази тив дахин тодорсон байна.  

Оффисын түрээсийн үнэ ханшаараа тэргүүлж буй 10 улсаас 7 нь Азийн орон байна. Гэхдээ Лондонгийн "Вест Ийнд" дүүрэг уг жагсаалтыг тэргүүлж, дэлхийн хамгийн өндөр өртөгтэй оффисын зах зээл хэвээр үлдлээ.
 

Лондонгийн Вест Ийнд дүүрэг дэх нийт энгийн оффисиын түрээсийн төлбөр 0,3 ам метр  тутамд 274 ам.доллар байсан нь ийнхүү дэлхийн хамгийн өндөр үнэтэй оффисоор нэрлэгдэхэд хүргэжээ. Харин Гонгконгийн Төв дүүргийн энгийн оффисын үнэ 0,3 ам метр тутамд 251 ам.доллар байснаар жагсаалтын хоёрт орлоо. Түүнчлэн 0,3 ам метр тутамд ногдох үнэ нь 198 ам.доллар орчим байгаа Бээжингийн Санхүүгийн гудамж гуравт, 189 ам.доллар байгаа Бээжингийн Бизнесийн төв дүүрэг дөрөвт, 165 ам.доллар байгаа Москвагийн оффисын зах зээл эхний тавт тус тус багтсан байна. Мөн жагсаалтын эхний аравт Нью Делигийн Коннаут Плэйс CBD, Гонгконгийн Вест Коулун, Токиогийн Маруноучи болон Шанхайн Пудонг дүүрэг тус тус багтаж байгаа юм.
 

Энгийн оффисийн түрээсийн төлбөрийн өөрчлөлт нь хурдацтай сэргэж буй дэлхийн эдийн засгийн нөлөөнд байна гэж судлаачид тайлбарлаж байна. Америк (4.1%) болон Ази Номхон (2.8%) далайн зах зээлүүдийн нөхцөл дэлхийн хэмжээнд энгийн зэрэглэл бүхий оффисийн түрээсийн үнэ 2.5 хувиар өсөхөд нөлөөлсөн гэж ажиглагчид үзжээ (сүүлийн нэг жилийг өмнөх онтой нь харьцуулахад).
 

“Дэлхийн эдийн засаг цаашид сайжрах төлөвтэй байгаа нь оффисийн түрээсийн үнэ өсч, ойрын хугацаанд ихэнх зах зээлд сул байгаа оффисийн талбайн хэмжээ буурахад нөлөөлнө. Нөхцөл байдал таатай байх учраас түрээсийн үнэ үргэлжлэн өсч, түрээслэгчдийн хувьд сонголт хязгаарлагдмал болно гэж бид таамаглаж байна. Түрээслэгчид түрээсийн төлбөрт багтаан бүтээлч байдлыг нь дээшлүүлэх нөхцлийг эрэлхийлдэг учраас орчин үеийн технологиор тоноглосон, чанартай, уян хатан нөхцөл бүхий орчныг түрээсийн оффист нэвтрүүлэх нь зүйтэй гэсэн саналыг дэвшүүлж байгаа” гэж CBRE компанийн Глобал ахлах эдийн засагч Ричард Бархэм ярьсан юм.
 

CBRE байгууллага нь түрээсийн үнийн судалгааг дэлхийн 126 энгийн оффисийн зах зээлд хийсэн байна. Эдгээрээс хамгийн өндөр үнэ бүхий 50 зах зээлийг тодруулсны 20 нь Ази Номхон далай, 20 нь Европ, Ойрх Дорнод, Африкийн бүс, үлдсэн 10 нь Америкийн томоохон зах зээлүүд байжээ.

Ази Номхон далайн бүс нь дэлхийн хамгийн өндөр түрээсийн үнэтэй оффисын 50 зах зээлийн 20-ийг нь эзэлж байгаа ба тэдгээрээс 7 нь эхний аравт бичигдэж байгаа юм. Энэ бүс нутгийн түрээслэгчдийн идэвхтэй байдал технологи, хэвлэл мэдээлэл, харилцаа холбооны салбарт үйл ажиллагаа явуулж буй дотоодын компаниудиас ихээхэн шалтгаалж байгааг судлаачид онцолж байна. Түүнчлэн судлаачид эдгээр оффисийн зах зээлийн тэн хагаст түрээсийн үнэ 1-ээс дээш хувийн өсөлт үзүүлнэ хэмээн таамаглажээ.


 

Гонгконгийн төв дүүрэг хамгийн өндөр төлбөртэйд (250.61) тооцогдож байгаа Лондонгийн Вест Ийндийн оффисийн түрээсийн үнэд (273.63) нэлээд дөхөж очсон нь судлаачдын анхаарлыг татаж байгаа аж. Харин Номхон далайн бүс нутгаас дэлхийн түвшинд хамгийн өндөр үнэтэйд тооцогдож байгаа Сиднейн оффисийн 0.3 ам метр тутмын түрээсийн төлбөр 99 ам.доллар байснаар дээрх жагсаалтын 19-т багтаж байна.