Полиуретан хөөсөн дулаалгатай хавтан буюу олон улсын нэршлээр SIP –structural insulated panel хийх аргыг 1930-н оны үед  Америкийн нэгэн архитекторч зохион бүтээжээ. Түүнийг  Фрэнк Лойд Райт гэдэг бөгөөд  анх төрөл бүрийн материал ашиглан  хийж байжээ.  Энэ нь нэг талаар туршилт болж өгсөн байдаг.  Энэхүү дулаалгын хавтанг олон улсад  СИП хавтан хэмээн нэрийддэг тул цаашид уг нэршлээр нэрлэх нь илүү хялбар байх болов уу. 1930-аад оны үед баригдсан төрөл бүрийн материалаар хийгдсэн СИП хавтан барилгууд нь 30 гаруй жилийн турш туршигдан судлагдсаны эцэст 1952 онд Элден Доу гэгч архитектур полистирол хөөстөй төстөй материал гарган авч СИП хавтангын дулаалгад ашигласнаар шинэ шатанд гаргаж чадсан байна. Үүнээс хойш  СИП хавтан үйлдвэрлэгч аж ахуйн нэгжүүд дэлхий дахинд эрс олширсны улмаас олон улсын холбоо  байгуулагдах зайлшгүй шаардлага тулгарч, 1990 онд анх удаа СИП хавтан үйлдвэрлэгчдийн холбоо байгуулагджээ.


СИП хавтангаар барилга барих нь  барилгын технологийг хөгжүүлж харьцангуй бага зардлаар эрчим хүчний хэмнэлттэй, тохь тухтай орон сууц барих орчин үеийн шилдэг технологи болж чадсан юм. СИП хавтанг үйлдвэрлэхдээ тухайн бүс нутгийн онцлог, техник технологийн хөгжлөөс шалтгаалж EPS, XPS болон полиуретан хөөс  ашиглан үйлдвэрлэдэг бөгөөд манай улсад “Сутайн- Ач” ХХК анх удаа энэ хавтанг үйлдвэрлэж эхэлсэн байна. Тус компанийн хамт олон АНУ, Герман, Канад, Япон ОХУ зэрэг өндөр хөгжилтөй орнуудад эрчимтэй нэвтэрч байгаа полиуретан хөөсөн дулаалгатай СИП хавтанг үйлдвэрлэдэг юм.  Тус хавтанг үйлдвэрлэхэд ашиглаж буй түүхий эдүүд нь олон улсын чанарын шаадлага хангасан, хүний бие болон байгаль орчинд ээлтэй бүтээгдэхүүнүүд бөгөөд хамгийн гол давуу чанар нь ямар ч материалтай харьцуулахад өндөр үзүүлэлттэй дулаан хадгалах чанар юм.

Харин манай дотоодын үйлдвэрлэгч “Сутайн- Ач” ХХК нь барилгын итгэмжлэгдсэн лаборторийн дүгнэлтийн дагуу 8-10 см зузаан полиуретан хөөсөн дулаалгатай, 122х244 см стандарт хэмжээтэй гадна ханын СИП хавтанг захиалгаар үйлдвэрлэн нийлүүлж  байгаа билээ. Мөн захиалагчын хүсэлтээр 5-10 см хүртэл зузаантайгаар OSB хавтангаас өөр төрлийн стандарт хэмжээтэй өнгөлгөөтөй  хавтанг үйлдвэрлэх боломжтой юм.  СИП хавтанг дулааны алдагдал багатай орон сууц, үйлчилгээний барилгууд барихад ашиглахаас гадна орон сууцны өндөр барилгуудад хямд, хөнгөхөн, дуу тусгаарлах чадвар өндөр, даац авах чадвартай талыг нь үнэлэн өрөө хоорондын тусгаарлалтын ханыг өрөхөд өргөн ашигладаг байна.


СИП хавтангаар барилга барихын давуу талууд:
-Эдэлгээний хугацаа урт, газар хөдлөлтийн 7.5 баллыг  тэсвэрлэх чадвартай.
-АОС болон үйлчилгээний зориулалттай 1-2 давхар барилга барихад тохиромжтой.
-СИП хавтан нь дулаан дамжуулалт маш бага учир өвөлдөө дулаан, зундаа сэрүүн байж амьдрах тав тухыг бүрдүүлнэ.Антарктид тив дээрхи Амундсен Скотын шинжилгээний газрын барилга нь СИП хавтангаар хасах 35 градус хүйтэн үед баригдсан.
-Галлагаа, халаалт бага шаардах учир зардал хэмнэхээс гадна байгаль орчинд эерэг нөлөөтөй.
-СИП хавтан нь 122х244см хэмжээтэйгээр угсармал барилгын зарчмаар баригддаг тул хурдан шуурхай, өвөл зуны аль ч улиралд барилга барих боломжтой.
-СИП хавтанг барилгын  хана хийхээс гадна дээвэр, шаланд ч ашиглаж болдог. Ингэхэд байшин  битүү СИП хавтан хийцтэй болж дулааны алдагдал хамгийн бага хэмжээнд байх нөхцөл бүрдэнэ.
-Хавтангын жин хөнгөн тул шугаман суурийн зардал бага байхаас гадна намагтай, цэвдэгтэй газар дээр аяган суурь хийж ашиглан барилга барих давуу талтай.
-Байшин барихад нэмэлт машин механизм шаардлаггүй бөгөөд 5-6 хүнтэй бригад 15 орчим мкв барилгыг 14 хоногын дотор бүрэн барих боломжтой.
-Барилгын ажлын хугацаа богино, тээвэрлэх материалын тоо хэмжээ бага учир барилгын нийт зардал хямд байна.
Манай орны нөхцөлд амины орон сууц, барилгын ханын материалын дулаалга нь стандарт шаардлага хангахгүй байгаа учир барилга, амины орон сууц нь дулааны эрчим хүч их ашигладаг, өвөлдөө их хэмжээгээр  галлах шаардлагатай болдог.

Мөн баруун европ болон ОХУ-д дулааны алдагдал багатай орон сууц барихад өргөн ашиглаж байгаа бөгөөд дээрх давуу чанарууд нь энэ технологи манай оронд өргөн ашиглагдах боломж нөхцөлийг бүрдүүлж өгөх болно.