Нийслэлд хотын авто замын түгжрэлийг бууруулах зорилгоор хэд хэдэн захыг хотын төвөөс гаргахаар зорьсны нэгэнд барилгын материалын захууд багтсан. 2013 оны 6-р сард нийслэлийн Засаг даргын захирамжаар Налайх дүүргийн 3-р хороонд 120 га газарт Барилгын материал үйлдвэрлэл, технологийн  парк /БМҮТП/ барихаар төлөвлөж, тун удалгүй Налайх дүүргээс энэхүү заасан газрыг чөлөөлсөн билээ. Гэвч энд бүтээн байгуулалт хэзээнээс явагдаж, ямар төрлийн барилгын материалын үйлвэрүүд баригдах, хэзээ ашиглалтанд орох зэрэг нь нэлээд бүрхэг байсан бол хэдхэн хоногийн өмнө болсон “Улаанбаатар хөрөнгө оруулалт-2015” бизнес чуулга уулзалтын үеэр БМҮТП олон нийтийн өмчит үйлдвэрийн газрын талаар хэвлэл мэдээлэл, олон нийтэд дэлгэрэнгүй мэдээлэл өгөв.
Энд хийгдэх ажлыг дараах байдлаар төлөвлөж байгаа аж.

Харин энэ онд хэсэгчилсэн ерөнхий төлөвлөгөөг батлуулж, төлөөлөн удирдах зөвлөл байгуулж, байгаль орчны үнэлгээ хийж, эхний ээлжийн 5 үйлдвэрийн дэд бүтцийн хангамжийг шийдвэрлэх бөгөөд 2015 оны нийслэлийн төсөвт 1,6 тэрбум төгрөг төсөвлөжээ.


Тус газрын цаашдын хөрөнгө оруулалтыг шийдэх үүднээс Хятадын хэд хэдэн компанитай хамтарч ажиллахаар болжээ.