Хамрах хүрээ: Барилгын гүйцэтгэгч, холбооны угсралт, суурилуулалтын компаниуд & зураг төслийн компаниуд
Хугацаа: 2015 оны 04-р сарын 25-ны өдрийн 09³⁰-10⁵⁰ цагт хурлын танхимд
 
Монкабель Системс ХХК нь “Barilga Expo-2015” олон улсын үзэсгэлэнгийн 2-дахь өдөр амины болон апартмент орон сууцны хорооллыг холбоожуулах шинэ технологийг талаар танилцуулга явуулах гэж байна.
Тус компаний танилцуулах FTTH (Fiber To The Home) технологи нь айл бүрт шилэн кабель оруулах юм. Ингэснээр хэрэглэгчдэд өндөр хурдны интернэт, ай пи ТВ ашиглах, өөрийн хүссэн интернэтийн компанийг сонгож үйлчлүүлэх зэрэг давуу талуудыг олгохоос гадна барилгын компаниуд нь энэхүү технологийг суурилуулснаар холбооны суурилуулалтын зардлыг хэмнэх, барилгад олон удаа сүлжээний утас татахгүй, эмх цэгцтэйгээр холбоогоо шийдэх мөн тэжээл ашиглахгүйгээр суурилуулах гэх мэт ач тустай. Шинэ технологийг танилцуулах үеэр холбооны угсралт, суурилуултын олон улсад хэрэглэгдэж буй шинэ техник, технологи, тэдгээрийн аргачлал, өрх бүрийг шилэн кабелиар өндөр хурдны сүлжээнд холбох зэргээр барилга угсралтын компаниуд, барилгын туслан гүйцэтгэгч, зураг төслийн  компаниудтай санал солилцож, хамтран ярилцах юм.
Одоо ашиглаж байгаа холбооны суурилуулалтын технологи болон шинээр нэвтрүүлэхээр зорьж байгаа технологиудыг харьцуулан ярилцаж, барилгын компаниудад чиглэл өгөх зорилготойгоор энэхүү танилцуулах илтгэлийг хийх гэж байна.
Хурлын танхимын суудлын тоо хязгаартай тул та бүхэн урьдчилан холбоо барина уу.
Холбоо барих: Монкабель Системс ХХК-ний менежер Т.Цэндсүрэн
                          /Утас: 99054790, имэйл: info@moncable.mn/
Booth №: B6, B7