Нийслэлийн Засаг дарга бөгөөд Улаанбаатар хотын Захирагчаар  Э.Бат-Үүл ирснээс  хойш Улаанбаатар хот маань ногоон байгууламжиддаа багагүй анхаарах болсон. Гуравхан сарын настай цэцэг тарьж их мөнгийг салхинд хийсгэлээ хэмээн шүүмжлэгчид олон байдаг ч дэмжигчид бас цөөнгүй бий. Тэгвэл өчигдөрхөн нийслэлийн Засаг дарга захирамж гарган “Нийслэлд нэн шаардлагатай шинэ техник, технологи, ноу-хау нэвтрүүлж, нутагшуулах төслийг хэрэгжүүлэх журам”-ын дагуу Улаанбаатар хотын нийтийн эзэмшлийн ногоон байгууламжид том мододыг шилжүүлэн суулгах ажлын төслийг хүлээн авч, дүгнэлт гаргах эрх үүрэг бүхий ажлын хэсгийг байгуулжээ. Ажлын хэсгийн ахлагчаар нийслэлийн Засаг даргын Экологи, ногоон хөгжлийн асуудал хариуцсан орлогч Т.Бат-Эрдэнэ ажиллана.
 
     Энэхүү ажлын хэсэг нь  Улаанбаатар хотын ногоон байгууламжид том мод шилжүүлэн суулгах ажлын төслүүдийг хүлээн авч дүгнэлт гаргах ажиллагааг холбогдох хууль тогтоомж, журамд нийцүүлэн зохион байгуулж гүйцэтгэл үр дүнг хариуцан ажиллах юм.