Бага дунд орлоготой иргэдийг орон сууцжуулах олон таатай мэдээллүүд олон нийтэд хүрсээр байгаа билээ. Ипотекийн зээлд хамрагдах боломжгүй иргэдэд зориулж 1300 айлын түрээсийн орон сууцыг бариулах ажлыг эхлүүлэхээр боллоо.
Түрээсийн орон сууцанд амьдрах иргэдийн сард төлөх түрээсийг өрхийн сарын дундаж орлогын 45%-иас 2 дахин багаар тооцож, урт хугацааны туршид амьдрах боломжийг бүрдүүлж өгөх юм байна. Энэхүү түрээсийн орон сууц хөтөлбөрийн ажлыг 2015-2016 онд хэрэгжүүлнэ. Хөтөлбөрийн хүрээнд нийслэлд 800 айлын орон сууц, аймгийн төвүүдэд 60-аас доошгүй айлын түрээсийн орон сууцыг төр, хувийн хэвшлийн түншлэлийн хэлбэрээр барьж ашиглалтад оруулах юм.