Засаг төр барилгын салбарт анхаарлаа хандуулж, хөнгөлөлтэй зээл олгож эхлэснээс хойш энэ салбарт бизнес эрхлэгчид олширсон. Тэр тусмаа барилгын материалын салбарт үз чүзэх жижиг, дунд үйлдвэрлэгчдийн тоо нэлээд нэмэгдсэн гэж болно. тэдний төлөөлөл болох хөнгөн бетон үйлдвэрлэлийн чиглэлээр үйл ажиллаагаа явуулдаг аж ахуйн нэгж компаниудыг өнөөдөр Барилгын материал үйлдвэрлэгчдийн холбооноос санаачлан Барилга хот байгуулалтын яам болоод Барилгын хөгжлийн төвийн барилгын материал хариуцсан ажилтнуудтай уулзуулж үйлдвэрлэгчдэд тулгараад байгааг хүндрэл бэрхшээлийн талаар санал бодлыг сонссон юм. Мөн хөнгөн бетоны үндсэн түүхий эд болох шохой үйлдвэрлэгчидтэй уулзуулж, хэрхэн хамтран ажиллах талаар ярилцлаа. Гучаад үйлдвэрлэгчид ирснээс ихэнх компаниуд манай улсын шохой үйлдвэрлэгч хамгийн том үйлдвэр Хөтөлийн цемент, шохойн үйлдвэрээс түүхий эдээ авах сонирхолтой байдаг ч нэгд нийслэл хотоос зайтайн учир тээвэрлэлтийн зардал өндөр гардаг. Хоёрдугаарт бүхэл шохой ирдэг учир үйлдвэрлэл эрхлэгч бутлуур ажиллуулах шаардлагатай болдог талаар ярьж байлаа.
 Гэхдээ хөнгөн бетон үйлдвэрлэгчид дотоодын үйлдвэрлэгчдийн хамгийн том бэрхшээл болох Хятадаас орж ирэх хямд бүтээгдэхүүнээс биднийг хамгаалж өгөөч гэдгийг л салбарын яам, тэнд ажиллагсадаас хүсч байсан.
Яамны зүгээс энэ тал дээр шинээр байгуулагдсан  Аж үйлдвэрийн яамтай хамтарч шийдэлд хүрэх бөгөөд хамтран ажиллах санамж бичигт гарын үсэгт зурсаны дараа хэрхэн ажиллахаа шийднэ гэдгээ мэдэгдсэн. Мөн импортын татварыг нэмэгдүүлэх бараа бүтээгдэхүүний тоонд хөнгөн бетоныг багтаасан болохыг хэлсэн.