Барилга.МН”, Барилгын зөвлөгөө мэдээллийн төвөөс зохион байгуулдаг “Барилга-Экспо” олон улсын үзэсгэлэн яармаг найм дахь жилдээ амжилттай зохион байгуулагдаж байна. Үзэсгэлэн  урьд өмнөх жилүүдийн адил хоёр ангиллаар зохиогдож байгаа бөгөөд өнгөрсөн амралтын өдрүүдэд  “БАРИЛГЫН МАТЕРИАЛ”-ын үзэсгэлэн амжилттай зохиогдож өнгөрлөө.  

Өнөөдрөөс үзэсгэлэнгийн хоёрдугаар хэсэг болох “ОРОН СУУЦ, ҮЛ ХӨДЛӨХ ХӨРӨНГӨ”-ийн үзэсгэлэн  5-р сарын 1-нээс 3-ны өдрүүдэд   “Мишээл-Экспо” төвд үргэлжлэх болно. 
Энэ удаагийн “ОРОН СУУЦ, ҮЛ ХӨДЛӨХ ХӨРӨНГӨ”-ийн үзэсгэлэнд нийслэл хотод баригдаж буй болоод ашиглалтанд орсон 100 гаруй шинэ орон сууцны танилцуулга худалдаа болох бөгөөд м/кв нь 1.300.000-аас эхлэх орон сууцнаас тансаг зэрэглэлийн орон сууцнууд эзнээ хүлээж байна. Өөрөөр хэлбэл нийслэл хотод баригдаж буй болон баригдаж ашиглалтанд орсон орон сууцны талаас илүү нь энд танилцуулагдах бөгөөд энэ жил орон сууцны үнэ ханш ямар байхыг уг үзэсгэлэнгээс дүгнэж болохоор байгаа юм.

Дашрамд дуудгахад  эдгээр орон сууцнууд нь зөвхөн үзэсгэлэнгийн өдрүүдэд м/кв-т тутамдаа 100-300 мянган төгрөгийн хямдралтай үнээр худалдаалагдах тул алдаж болохгүй алтан боломж байх нь лавтай.
 Мөн амины орон сууц, ландшафт тохижилтын мянга гаруй нэр төрлийн материалыг үзэж, танилцан худалдан авалт хийх боломжтой. 

Үзэсгэлэнгийн үеэр хямдрал урамшуулал зарлаж буй компаниудаас хүргэж байна.





Орон сууцны зээлийн бүх төрлийн лавлагааг Голомт банкны хамт олон шийдэх болно. 



Үзэсгэлэн яармагт хамгийн хямдаар худалдаалагдаж буй орон сууц " Дэлгэрэх хотхон"  нь урьдчилгаа төлбөрөө 100 % төлсөн тохиолдолд 13500,00 төгрөг болон хямдарч байгаа юм. Байраа ашиглалтанд орох хүртэл урьдчилгаа 30%-ийн төлбөрөө хуваан өгөх боломжтой юм байна. 



Дэлхийн шилдэг брендүүдээр тоноглогдсон "Victoria Town" хотхон нь ногоон байгууламжийг төгс илэрхийлэх томоохон цогцолбор хороолол юм.Үзэсгэлэнгийн өдрүүдэд эхний 50 захиалагчиддаа 2 жил автомашины зогсоол үнэгүй ашиглах, 1 жил ашиглалтын төлбөрөөс чөлөөлөх зэрэг урамшуулалт худалдаа зарласан байгааг дуулгахад таатай байна. 





Урьдчилгаа 10%-ийн төлбөрөө өгөөд давхар давхар урамшууллыг олгож буй " Дөл хотхон" нь үзэсгэлэнгийн өдрүүдэд урьдчилгаа төлбөрөө 30%-ийг нь урьдчилж өгвөл 3000,000 төгрөгийн хөнгөлөлт үзүүлэхээр болжээ. Урьдчилгаа төлбөрийн нөхцлөөс шалтгаалж үнийн дүнгээс 10,000,000 төгрөгийн хөнгөлөлт урамшуулал үзүүлэх юм байна. 



"Баяжих Цогцолбор"  хороолол нь үзэсгэлэнгийн өдрүүдэд дараах урамшууллыг олгож байна. Төлбөрийн нөхцлөөс хамаараад 5%-12% буюу 5000,000 т- 19,000,000 төгрөг хүртэл чөлөөлөх урамшуулал зарлажээ. 



Тайванийн дэвшилтэт технологийг нэвтрүүлж буй " Аман Хуур" цогцолбор хороолол нь Улаанбаатар хотод анх удаа барилгын дээвэр дээрээ ногоон байгууламжтай бүтээн байгуулалт болж байгаа юм. Үзэсгэлэнгийн өдрүүдээр урьдчилгаа төлбөрөөс хамаараад уян хатан хөнгөлөлт урамшуулал зарлаж байгаа юм. 



"БЛЮ ДРАГОН" ХХК-ийн "ART-14" орон сууцны хороолол нь 1 мкв нь 2100,000 мянган төгрөгөөр худалдаалагдаж байгаа бөгөөд төлбөрөө 100% төлвөл 1850,000  төгрөг болон хямдарч байна.  



"Алтан сан" цогцолбор хороолол нь төлбөрийн уян хатан нөхцөлтэйгөөр урамшуулал зарлаж байна. Орон сууцны мкв-ийн үнэ 1850000-1950000 төгрөгийн хооронд байх ба орон сууц худалдан авсан үйлчлүүлэгчдэд 3 сая төгрөгийн урамшуулал зарлаж байна. 



"Тоскана" цогцолбор хороолол нь Монголд анх удаа олон улсын цэцэрлэгт хүрээлэнгийн стандартаар бий болгож байгаа ногоон хороололд орж байна. Уг хороолол нь Итали улсын уран барилгын хэв маягийг агуулсан 31000 мкв талбайг хамарсан томоохон бүтээн байгуулалт юм . Үзэсгэлэнгийн өдрүүдэд 10%-ийн хямдрал зарлаад байгаа юм байна. 

Илүү дэлгэрэнгүй  мэдээллийг "БАРИЛГА ЭКСПО 2015" олон улсын үзэсгэлэнгээс хүрэлцэн ирж үзнэ үү.