Манай улсад ойролцоогоор хэв хашмалын 10 гаруй үйлдвэр байдгаас хамгийн шилдэг нь олон оронд бүтээгдэхүүнээ борлуулдаг MESA, TEKNIK-EL YAPI ELEMANLARI, NERU зэрэг дэлхийд нэр хүндтэй компаниудыг Монголчууд мэддэг болсон билээ. Түүгээр ч барахгүй NERU компаний албан ёсны төлөөлөгч Монгол улсад үйл ажиллагаагаа явуулж байгааг дурьдахад таатай байна. Монгол оронд хэв хашмалын тэргүүний технологийг нэвтрүүлснээрээ барилгын салбарын улирлын эрхшээлд хавчигдах ойлголтыг өөрчлөх, барилгыг богино хугацаанд чанартай барих, орон сууцны үнэ буурах боломжтой зэрэг өндөр ач холбогдолтой юм. 

Ингээд хэв хашмалын талаар дэлгэрүүлж дурдъя: Энэ технологи нь хана болоод хучилттайгаа хамт цутгагддаг дэвшилтэт технологи юм. Орон сууц, зочид буудал, худалдааны төвийн барилгын төслүүдэд хэрэглэвэл илүү зохимжтой.
Хэв хашмал нь ямар нэгэн засвар хийлгэлгүйгээр 500 удаа давтан хэрэглэгддэгээрээ санхүүгийн хувьд маш их хэмнэлттэй технологи юм.



            Хэв хашмалын давуу талууд:

1. Богино хугацаанд хийцийн хэв маягт нийцсэн загвар гаргаж, хэмжээг тохируулах боломжтой.
2. Барилга барих  хугацааг багасгадаг.
3. Хана болоод хучилтыг зэрэг цутгаж орон зайн хийц үүсгэдэгээрээ газар хөдлөлтөнд тэсвэртэй байж чаддаг
4. Дахин өнгөлгөө  / замаск, шохой /хэрэглэх шаардлагагүй, бетон гадаргуу нь тэгш гөлгөр гадаргуутай байдаг.
5. Энэ технологиор барих барилгын хугацаа нь 75 хувь багасахаас гадна 15 ажилчин 1 өдөрт хялбархан 2 байрны хэвийг байршуулж бетон цутгах боломжтой.
6. Өрөө тусгаарлах хана болон хаалга цонх зэргийг хэвэн дээрээ байршуулж цутгах боломжтой нь бас нэгэн давуу тал болдог. Олон дахин хэрэглэхэд дээрхи давтамж болон хэмжээс алдагдахгүй хэвээр хадгалагддаг тул алдаа бага гардаг.
Бетон цутгах явцад металл хэв нь хэв гажилтад ордоггүй, хэлбэрээ алддаггүй нь нэмэлт засвар ажил хийх цаг хугацаа, хүн хүчийг хэмнэдэг. Барилга дахь  хэмжээсний төгс, алдаагүй байдал нь ажилчдад нэмэгдэл төвөгшил гардаггүй барилгын гүйцэтгэлд сайнаар нөлөөлж, стандартад нийцсэн барилга барих нөхцлийг хангана. Өрөө тусгаарлах ханануудад  тоосго болон гипсэн хамар хана хэрэглэх боломжтой.


       
       Хурд ба эдийн засгийн хэмнэлт

1. Энэ системээр барьсан барилга нь уламжлалт аргын барилгаас илүү хурдан баригдана
2. Баригдах хугацаа нь богино байх нь ажлын хүч, үндсэн хөрөнгө оруулалтыг удаан хугацаанд үр ашиггүйгээр барьж саатуулалгүй хөрөнгө оруулагч нарын мөнгийг богино хугацаанд өсгөх үндэс болдог
3. Хэв хашмалыг олон удаа хэрэглэж болдог нь санхүүгийн хувьд маш их хэмнэлттэй.
4. Өвлийн нөхцөлд бетон цутгах технологийг баримтлан (хөлдөхөөс хамгаалж бетондоо нэмэлт бодис хийх нөхцөлтэйгөөр) 15 хэв хашмалчин, 13 арматурчин, 2 оосорлогч дохиочин бүрэлдэхүүнтэйгээр 300-350м2 талбайд ажиллах боломжтой.
5. Богино хугацаанд хийгддэг учир   барилгын үндсэн бүтээцийн өртөг нь багасна. Тагт,  шат, хаалга, цонхыг / уйлдвэрээс нийлүүлэгдсэн хийц бүтээгдхүүнийг/ нарийн мэргэжлийн хүмүүс угсралтыг хийж болдог давуу талтай.



    Аюулгуй байдал

1. Багийн ажилчдын тоог буулгах: уламжлалт аргаар баригдах барилгад 9 барилгачины хийж гүйцэтгэх ажлыг хэв хашмалаар барих үед 6 барилгачин гүйцэтгэх боломжтой.
2. Гарз хохирлыг арилгах: хэв хашмалын систэмд шаваас, тоосго, мод, хадаас зэрэг хэрэглэгдэхүүн бараг хэрэглэгддэгүй.
3. Барилга барихад шаардагдах цаг хугацааны алдагдал багасах.
4. Хэрэглэгдэх арматурын орцыг 20 хувь бууруулна.

Барилга барих хугацааг багасгах
 

 


             Бүтэн хэв хашмал

Бүтэн хэв хашмалын төхөөрөмж нь хучилт болон  гадна хана, дотор өрөө тусгаарлах ханануудын хамт бүрэн хийгддэг төхөөрөмж юм. Бүтэн хэв хашмалын төхөөрөмжөөр цутгах үед хэвүүдийг авсаны дараа хучилтын тулаасыг үргэлжлүүлэн хийдэг. Хэв хашмалд бетон байгаа үед халаах шаардлагатай байдаг. Ингэснээр бетоны бэхжих хугацааг богиносгож болно. Өвлийн цагт -10⁰С хүйтэнд угсралтын ажлыг гүйцэтгэж болно. Бүтэн хэв хашмал нь хэмжээний хувьд хангалтай олон төрөл байдаггүй учраас төлөвлөлтийг хязгаарлагдмал болгодог. Бүтэн хэв хашмалын хэмжээ болон загвар үйлдвэрээсээ шалтгаалан өөрчлөгддөг. Энэ хэв хашмал нь дам нуруугүй систем учир хучилтын зузаан нэмэгдэх ба хэв хашмалын угсралтыг хийхэд төвөгтэй болох учраас зардал ихтэй болно. Давхрын өндөр нь 2,3м – 3,0м-н хооронд өөрчлөгддөг. Хэв хашмалын загварын хувьд хэвний хэмжээ болон бусад үзүүлэлтийг сайн мэдэх нь төлөвлөлтийн боломжит хувилбарыг сонгоход сайн нөлөөтэй.

Бүтэн хэв хашмалын элементүүдийг хэвтээ ба босоо гэж 2 ангилдаг. Мөн түүнчлэн татах ба суллах ажиллагаа хийдэг хэвтээ гадаргууг зөөдөг профилүүдээс бүрдэх дээд дамнуруу гэж байдаг. Хэв хашмалыг татахын тулд хажуу дамнурууг хэвтээ дамнуруутай солбисон байдлаар тулгуур хийх боломжтой. Үүний зэрэгцээ хэв хашмалыг тавцан дээр гаргах үйлдлийг хийдэг эвхдэг тулгуур хөлнүүд болон хэвийг зөөхөд зориулагдсан түрдэг дугуйнууд мөн тулааснууд, хана хоорондын зайг тохируулдаг саваанууд зэрэг бүх холбох элемэнтүүд нь бүтэн хэв хашмалын бусад төхөөрөмжүүдийг бүрдүүлнэ. Энэ хэв хашмалыг хэрэглэх газраа кранаар зөөж байрлуулна. Дугуйнуудыг нь тохируулан тулах багануудад тулгуурлан тэнцвэржүүлээд кранаар өргөнө.    
 Бетон цутгахын өмнө босоо, хэвтээ 2 хэв хашмалаа хооронд нь нугас, тулгуур, татуургын тусламжтай холбон угсрана. Тусгаарлах хананы тохируулга болон зэрэгцээ угсарсан 2 хэв хашмалын хоорондох зайг, хана хооронд байрлуулах саваануудаар хэмжиж тохируулна. Ингэж хийснээр бетоны хэв хашмалд өөрчлөлт орохоос урьдчилан сэргийлнэ. Бетон цутгагдаад бэхжсэний дараа хэв хашмалыг сугалж авах процес явагдана. Бетон бэхжсэний дараа халаалтыг зогсоож хооронд нь тулсан саваануудыг авна. Эвхэгддэг хөлийг дээш сойж хэв хашмалыг  сугалж гаргана. Үүний дараа хэв хашмалаа кранаараа зөөж буулган авч дараагийн барих хэсэг рүүгээ зөөнө.

          Хэв хашмалын хийцийн онцлог

Хөгжиж буй орнуудад давхрын өндөр 5м-ээс ихгүй өндөртэй барилгад хэрэглэх нь барилгын өөрийн өртгийг бууруулахад зохих нөлөө өгч байна гэж үздэг. Энэ системийг хэрэглэснээр олон дамнуруу хийх шаардлагагүй бөгөөд орон зайн хийц үүсгэдгээрээ барилгыг газар хөдлөлтөд бат бэх тэсвэртэй болгодог.

         Хэв хашмал хийхдээ анхаарах зүйлс
 

 
Иймээс хэв хашмалыг хүйтэн сэрүүн уур амьсгалтай Монгол орны нөхцөлд барих нь нэн тохиромжтойн дээр богино хугацаанд хурдан угсрагддагаараа эдийн засгийн хувьд маш их хэмнэлттэй болохыг дээр дурдсан хэв хашмалын онцлог чанарууд харуулж байна.