Гэр хорооллын дахин төлөвлөлтийн барилга бүтээн байгуулалтын ажилтай танилцлаа
УИХ-аар батлагдсан “Улаанбаатар хотыг 2020 он хүртэл хөгжүүлэх хөгжлийн хөтөлбөр, 2030 он хүртэлх хөгжлийн чиг хандлага”-ын баримт бичигт тусгагдсан Гэр хорооллын дахин төлөвлөлтийн 24 байршил 75 хэсэгчилсэн талбайн 1547 га газарт төсөл хэрэгжиж байна.
Өнгөрсөн 2014 онд дахин төлөвлөлтийн хүрээнд нийт 560 айлын 5 блок орон сууцны барилга болон 300 хүүхдийн цэцэрлэг сургуулийн цогцолборын барилгыг ашиглалтад оруулсан юм. Харин 2015 оны барилга угсралтын ажил эхэлсэнтэй холбогдуулан НИТХ-ын дарга Д.Баттулгаар ахлуулсан Нийслэлийн удирдлагууд 4 дүгээр сарын 27 болон 28-ны өдрүүдэд гэр хорооллын дахин төлөвлөлтийн барилга бүтээн байгуулалтын ажлын явцтай танилцлаа.
Гэр хорооллын дахин төлөвлөлтийн төсөл хэрэгжүүлэгч компаниудын ажилтай танилцах үйл ажиллагааны эхний байршил болох Баянгол дүүргийн X, XI дүгээр хороонд “Грийн ресурс” ХХК, “Очирням” ХХК, “Ди Ви Жи Эйч” ХХК-иуд төсөл хэрэгжүүлж байна. “Грийн ресурс” ХХК 6 айлын газрыг чөлөөлөн энэ онд 204 айлын 17 давхар 1 блок орон сууцны барилга угсралтын ажил эхлүүлэхээр төлөвлөөд байна. Харин “Ди Ви Жи Эйч” ХХК өөрсдийн 5 гаруй га газарт 220 айлын 12 давхар орон сууцны 2 блок барилга эхлүүлэх төлөвлөгөөтэй ажиллаж байгаа юм.
Дараагийн байршил болох Сонгинохайрхан дүүргийн I, II, XX дугаар хорооны нутаг дэвсгэрт төсөл хэрэгжүүлэгч “Стандарт проперти” ХХК, “Хас харш” ХХК-иуд үйл ажиллагаагаа явуулж байна. “Стандарт проперти” ХХК нийт 10 айлын газрыг чөлөөлж, эхний ээлжийн 270 айлын орон сууцны барилгын ажлыг эхлүүлээд байгаа бол “Хас харш” ХХК хэсэгчилсэн ерөнхий төлөвлөгөөгөө батлуулсан ба ирэх 5 сараас газар чөлөөлөлтийн ажлаа эхлүүлэх төлөвлөгөөтэй байна.
Чингэлтэй дүүргийн 72 дугаар сургуулийн орчим 19 айлын газрыг чөлөөлсөн “Бармон” ХХК-ийн дахин төлөвлөлтийн ажилтай танилцсан юм. Тус компани нь энэ онд 520 айлын 2 блок орон сууцны барилгын ажил эхлүүлэхээр төлөвлөж байна. “Бармон” ХХК, “Монкон групп” ХХК, “Эрэл групп” ХХК-иуд Чингэлтэй дүүргийн VII, VIII, IX, X, XI дүгээр хорооны нэтэг дэвсгэрт төсөл хэрэгжүүлж байгаа билээ. “Монкон групп” ХХК нь ирэх 5 сард 96 айлын 5 давхар 2 блок орон сууцны барилгын ажил эхлүүлэхээр төлөвлөсөн бол “Эрэл групп” ХХК мөн сард газар чөлөөлөлтийн ажлаа эхлүүлэх юм.
Сүхбаатар дүүргийн IX, X, XI дүгээр хороо, орон сууцны 7-р хорооны нутаг дэвсгэрт төсөл хэрэгжүүлж буй “Асар өргөө” ХХК, “Монтед констракшн” ХХК-иудын ажилтай мөн танилцсан юм. “Асар өргөө” ХХК нь нийт 23 айлын буюу 1 га газар чөлөөлж, 120 айлын орон сууцны барилгын суурийн ажил хийгдсэн. Харин “Монтед констракшн” ХХК-ийн хувьд эхний ээлжийн 146 айлын орон сууцны барилгын газар шорооны ажил явагдаж байлаа.
Үүний дараагаар Баянзүрх дүүргийн XIII, XIV дүгээр хорооны гэр хорооллын дахин төлөвлөлтийн ажилтай танилцсан бөгөөд “Зургаан талт” ХХК нийт 30 айлын газрыг чөлөөлж 315 айлын орон сууцны барилгын ажлыг эхлүүлээд байгаа бол “Цагаан хуаран консалтинг” ХХК нийт 18 айлын газрыг чөлөөлөн 12 давхар 536 айлын орон сууцны барилгыг энэ онд ашиглалтад оруулахаар ажиллаж байна. Мөн “Моннис урбан девелопмент” ХХК 110 айлын газрыг чөлөөлж, 504 айлын орон сууцны барилга угсралтын ажил өрнөж байв.
Төсөл хэрэгжүүлэгч “Магма од” ХХК болон “Их өргөө” ХХК-иуд Баянзүрх дүүргийн II, IV дүгээр хороонд төсөл хэрэгжүүлж байгаа ба “Магма од” ХХК 8 айлын газрыг чөлөөлсөн бол “Их өргөө” ХХК 0,8 га газрыг чөлөөлөн 715 айлын орон сууцны 5 блок барилгын суурийн ажлыг эхлүүлсэн .
Одоогоор үндэсний 38 аж ахуйн нэгж төсөл хэрэгжүүлэгчээр шалгаран үйл ажиллагаагаа явуулж байгаагаа 15 нь инженерийн шугам сүлжээний болон төслийн барилга угсралтын ажлаа эхлээд байгаа бөгөөд энэ онд нийт 2492 айлын орон сууцыг ашиглалтад оруулах төлөвлөгөөтэй ажиллаж байгаа юм байна.
Өнгөрсөн 2014 онд дахин төлөвлөлтийн хүрээнд нийт 560 айлын 5 блок орон сууцны барилга болон 300 хүүхдийн цэцэрлэг сургуулийн цогцолборын барилгыг ашиглалтад оруулсан юм. Харин 2015 оны барилга угсралтын ажил эхэлсэнтэй холбогдуулан НИТХ-ын дарга Д.Баттулгаар ахлуулсан Нийслэлийн удирдлагууд 4 дүгээр сарын 27 болон 28-ны өдрүүдэд гэр хорооллын дахин төлөвлөлтийн барилга бүтээн байгуулалтын ажлын явцтай танилцлаа.
Гэр хорооллын дахин төлөвлөлтийн төсөл хэрэгжүүлэгч компаниудын ажилтай танилцах үйл ажиллагааны эхний байршил болох Баянгол дүүргийн X, XI дүгээр хороонд “Грийн ресурс” ХХК, “Очирням” ХХК, “Ди Ви Жи Эйч” ХХК-иуд төсөл хэрэгжүүлж байна. “Грийн ресурс” ХХК 6 айлын газрыг чөлөөлөн энэ онд 204 айлын 17 давхар 1 блок орон сууцны барилга угсралтын ажил эхлүүлэхээр төлөвлөөд байна. Харин “Ди Ви Жи Эйч” ХХК өөрсдийн 5 гаруй га газарт 220 айлын 12 давхар орон сууцны 2 блок барилга эхлүүлэх төлөвлөгөөтэй ажиллаж байгаа юм.
Дараагийн байршил болох Сонгинохайрхан дүүргийн I, II, XX дугаар хорооны нутаг дэвсгэрт төсөл хэрэгжүүлэгч “Стандарт проперти” ХХК, “Хас харш” ХХК-иуд үйл ажиллагаагаа явуулж байна. “Стандарт проперти” ХХК нийт 10 айлын газрыг чөлөөлж, эхний ээлжийн 270 айлын орон сууцны барилгын ажлыг эхлүүлээд байгаа бол “Хас харш” ХХК хэсэгчилсэн ерөнхий төлөвлөгөөгөө батлуулсан ба ирэх 5 сараас газар чөлөөлөлтийн ажлаа эхлүүлэх төлөвлөгөөтэй байна.
Чингэлтэй дүүргийн 72 дугаар сургуулийн орчим 19 айлын газрыг чөлөөлсөн “Бармон” ХХК-ийн дахин төлөвлөлтийн ажилтай танилцсан юм. Тус компани нь энэ онд 520 айлын 2 блок орон сууцны барилгын ажил эхлүүлэхээр төлөвлөж байна. “Бармон” ХХК, “Монкон групп” ХХК, “Эрэл групп” ХХК-иуд Чингэлтэй дүүргийн VII, VIII, IX, X, XI дүгээр хорооны нэтэг дэвсгэрт төсөл хэрэгжүүлж байгаа билээ. “Монкон групп” ХХК нь ирэх 5 сард 96 айлын 5 давхар 2 блок орон сууцны барилгын ажил эхлүүлэхээр төлөвлөсөн бол “Эрэл групп” ХХК мөн сард газар чөлөөлөлтийн ажлаа эхлүүлэх юм.
Сүхбаатар дүүргийн IX, X, XI дүгээр хороо, орон сууцны 7-р хорооны нутаг дэвсгэрт төсөл хэрэгжүүлж буй “Асар өргөө” ХХК, “Монтед констракшн” ХХК-иудын ажилтай мөн танилцсан юм. “Асар өргөө” ХХК нь нийт 23 айлын буюу 1 га газар чөлөөлж, 120 айлын орон сууцны барилгын суурийн ажил хийгдсэн. Харин “Монтед констракшн” ХХК-ийн хувьд эхний ээлжийн 146 айлын орон сууцны барилгын газар шорооны ажил явагдаж байлаа.
Үүний дараагаар Баянзүрх дүүргийн XIII, XIV дүгээр хорооны гэр хорооллын дахин төлөвлөлтийн ажилтай танилцсан бөгөөд “Зургаан талт” ХХК нийт 30 айлын газрыг чөлөөлж 315 айлын орон сууцны барилгын ажлыг эхлүүлээд байгаа бол “Цагаан хуаран консалтинг” ХХК нийт 18 айлын газрыг чөлөөлөн 12 давхар 536 айлын орон сууцны барилгыг энэ онд ашиглалтад оруулахаар ажиллаж байна. Мөн “Моннис урбан девелопмент” ХХК 110 айлын газрыг чөлөөлж, 504 айлын орон сууцны барилга угсралтын ажил өрнөж байв.
Төсөл хэрэгжүүлэгч “Магма од” ХХК болон “Их өргөө” ХХК-иуд Баянзүрх дүүргийн II, IV дүгээр хороонд төсөл хэрэгжүүлж байгаа ба “Магма од” ХХК 8 айлын газрыг чөлөөлсөн бол “Их өргөө” ХХК 0,8 га газрыг чөлөөлөн 715 айлын орон сууцны 5 блок барилгын суурийн ажлыг эхлүүлсэн .
Одоогоор үндэсний 38 аж ахуйн нэгж төсөл хэрэгжүүлэгчээр шалгаран үйл ажиллагаагаа явуулж байгаагаа 15 нь инженерийн шугам сүлжээний болон төслийн барилга угсралтын ажлаа эхлээд байгаа бөгөөд энэ онд нийт 2492 айлын орон сууцыг ашиглалтад оруулах төлөвлөгөөтэй ажиллаж байгаа юм байна.