Өчигдөр оройноос эхлэн хүмүүсийн ярианы гол сэдэв болсон Баянгол дүүргийн  "Ачлал" их дэлгүүрийн арын 16 дугаар байрах нурах гэж буй тухай, иргэдийг нь нүүлгэн шилжүүлсэн тухай байв. Гэвч энэ барилгад ямарарга хэмжээ авах нь одоогоор хараахан тодорхой болоогүй байна. Төрийн байгууллагаас мэдэгдэл хийгээд ингэнэ, тэгнэ гэх хүн ч алга.
Энэ барилгыг хэрхэн аварч, иргэдийг орон гэртээ амар амгалан байлгаж болохыг шийдэж чадах хүмүүс бол барилгын инженерүүд байх нь лавтай. Тэд энэ тохиолдолд ямар арга хэмжээ авч болох талаар интернэд хэлэлцүүлэг өрнүүлжээ.  
Нийслэл Улаанбаатар хот маань Туул голын сав газарт хамрагддаг тул хөрсний ус ихтэй, цэвдэг хөрстэй ажээ. Иймд барилга байшин барихдаа суурийг хөрсний усанд элэгдэхийг  тооцох зайлшгүй шаардлага тулгардаг байна. Энд сонирхуулж хэлэхэд хуучин Пионерийн ордон  одоогийн Хүүхдийн урлан бүтээх төвийн барилгын суурь хөрсний усанд элэгдсэний улмаас нэг хана нь бага зэрэг цууралт үүсч одоогийн 16-р байрнаас дутахааргүй хүнд нөхцөлд орж байхад хашир туршлагатай барилгын инженерүүд судалгаа хийсний үндсэн дээр хүчитгэсэн бетоноор давхар суурь хийж өгснөөр нурах аюулаас “аварч байжээ.


Тэгвэл 16-р байрыг бүрэн авч үлдэхийн тулд яах вэ?
Мэдээж томилогдсон ажлын хэсгийнхэн тун удахгүй үнэлэлт дүгнэлтээ өгөх нь дамжиггүй ч ямар арга хэмжээ авч болох талаар инженерүүд ийнхүү хэлж байна.  
-Барилгын хажууд ухсан нүх 5-6 метр гүн, нүхний амсар нь барилгад 3-4 метр зайтай, тэр амсар талд байгаа барилгын хавтгаалжин ханууд хооронд зай үүссэн бол яалт ч үгүй буурь хөрс орчны хэв гажилтанд орсон харагдана. Тэгэхээр хэв гажилтыг  тогтоохын тулд чичиргээ доргио үзүүлэхгүй, эрэг орчмоор тээврийн хэрэгсэл өнгөрүүлэхгүй, буурь хөрсийг чийг авахаас хамгаалах нь нэн тэргүүнд хийх ажил юм.
-Хэв гажилтын хэмжээ зөвшөөрөгдөх хэмжээнээс хэтэрсэн бол хүссэн хүсээгүй акт гаргаад яваандаа буулгах байх л даа. Хэв гажилт зөвшөөрөгдөх хэмжээнд байвал буурь хөрсөө химийн аргаар сайжруулаад, барилгадаа хүчитгэл хийж өгөөд ашигласан нь дээр биз дээ. Буулгаад шинээр барина гэвэл буулгах зардал, шинэ барих барилгын зардал, барьж дуустал оршин суугчдыг байлгах байр зэргийн мөнгийг тэр "Би Жи Би Жи" ХХК гаргаж дийлэхгүй дээ.
-Зургуудаас баримжаа зай хэмжээ, тэр орчмын барилгажилтын нехцел зэргээс барагцаалж бодоход барилгыг нурахад хvргэхvйц нелее харагдахгvй л бгаа юм даа. Мэргэжлийн хvмvvсийн гаргасан техникийн дvгнэлт зевлегеегvйгээр ингэж дэмийрч хэрэггvй л дээ. Дvгнэлт гарсны дараа хоосон хийрхэж худлаа сvржигнэсэн улсуудаар нvvлгэн шилжvvлэлтийн зардлыг нехеж телvvлэх хэрэгтэй.
Нурааж барих хэмжээнд лав болоогүй юм шиг зургаас харагдаж байна буйр хөрсийг тогтворжуулаад сууриа хүчитгээд л асуудал шийдэгдэнэ.
 -Түшиг хана цутгаад цааш нь шон суурь хийж бэхлэх ёстой болов уу. Тэгээд буцааж булах ёстой байх гэх мэтээр санал бодлоо илэрхийлжээ.
Мөн хэтэрхий их сүржигнэснээс болж иргэдийг барилга гэхээр “хадны мангас” мэт ойлголт төрүүлж, барилгын салбарынхныг ажлаа мэддэггүй, авилгалд өртсөн хэдэн хүмүүс мэтээр ойлгуулж байна гэх хүмүүс ч байна.
Нэг үхрийн эвэр доргивол мянган үхрийн эвэр доргидог гэгчээр олон сайхан бүтээн байгуулалтыг ганцхан асуудал баллаж болохыг үгүйсгэхгүй юм. Ингээд хамтдаа уг барилга дээр ажиллаж байгаа мэргэжлийн хүмүүсийн дүгнэлтийг л хүлээх үлдлээ.