"Барилга-Экспо 2015” олон улсын үзэсгэлэн яармагийн эхний хэсэг болох “БАРИЛГЫН МАТЕРИАЛ” –ын үзэсгэлэн 2 дахь өдрөө амжилттай зохион байгуулагдаж байна. Энэ өдөр үзэсгэлэнд оролцож буй бизнесийн эрхэм түнш байгууллагуудад маань зориулж “Хямралын үеийн маркетинг” сэдэвт семинарыг зохион байгуулсан бөгөөд СЭЗДС-ийн Бизнесийн удирдлагын тэнхимийн эрхлэгч Б. Нандин-Эрдэнэ илтгэл тавьж оролцсон юм.

 Б.Нандин-Эрдэнэ “Хямралын үеийн маркетинг” илтгэлдээ хямралын үед компаниуд төсөв хэмнэх, орон тоогоо цөөлөх, үнэ бууруулах зэрэг маркетинг хэрэгжүүлдэг. Мөн эдгээр арга дээр нэмж хэрэгжүүлж болох онолыг хэд хэдэн арга, нөхцөл байдлыг зааж өгсөн ч компани бүрийн нөхцөл байдал боломжоос шалтгаалаад тогтсон жор байхгүйг сануулав. Иймд сандрах шаардлагагүй та хямралтай нүүр тулсан анхны бизнесмэн биш бас  сүүлийнх нь биш хэмээсэн юм. Учир нь дэлхийн Эдийн засгийн хамтын ажиллагааны байгууллагаас гаргасан судалгаагаар хямрал 3-8 жилд давтагдах шинжтэй өрнөдөг болохыг тогтоожээ. Мөн тэрбээр хямрал зөвхөн муу үр дагаварыг дагуулдаг бус давуу талыг ч олгодог болохыг хэлж тайван, ухаантай байж, зөв маркетинг явуулж,  “шалгалтаа”  амжилттай өгөхийг хүсэн ерөөсөн юм. Учир нь хямрал гэдэг аль ч салбарт маш хатуу шалгалт байдаг.





 Хямралын үед компаниуд төсөв хэмнэх, орон тоогоо цөөлөх, үнэ бууруулах зэрэг маркетинг хэрэгжүүлдэг.