Сүүлийн 4 жилд 60 гаруй мянган орон сууц ашиглалтанд орсон ч, байр түрээслэн амьдарч буй иргэдийн тоо төдийлөн буурсангүй.

1-3 өрөө байрны түрээс ямар байгааг томоохон сайтууд дээр тавигдсан 2000 гаруй зарыг үндэслэн судалж үзлээ.

Улаанбаатар хотод байрны түрээсийн төлбөр хамгийн өндөртэй дүүргээр Сүхбаатар болон Хан-Уул дүүрэг тодорч байна. Харин хамгийн бага нь Сонгинохайрхан, Баянгол дүүрэг байна.

Байрны үнийг судалж үзэхэд оны эхний байдлаар 2 өрөө байр дунджаар 102,1 сая төгрөгтэй байсан бол 3 өрөө байр дунджаар 153,0 сая төгрөг, 1 өрөө байр 62,9 сая төгрөгийн үнэтэй байжээ.

Энэ жишгээр бодоход 30 хувийн урьдчилгаа төлбөр төлөөд 1 өрөө байр 8%-ийн зээлээр авсан хүн сард дунджаар 368,280 төг төлөх бол, 2 өрөө байранд 597,800₮, 3 өрөө байранд 895,800₮ төлөхөөр тус тус тооцоо гарч байна.

Дээрх тооцоонд үндэслэн 1-3 өрөө байр түрээслэх болон зээлээр авсан тохиолдолд сар бүр төлөх зээлийн дүнг хооронд нь харьцууллаа. Сарын түрээсийн төлбөр зээлийн төлбөрөөс давсан бол улаан өнгөөр, эсрэг тохиолдолд ногоон өнгөөр тэмдэглэсэн.