Манай улсын эрчим хүчний үйлдвэрлэл нь бараг 100 хувь нүүрснээс хараат байдаг. Тэгвэл 2020 он гэхэд нийт үйлдвэрлэлийн 20 хувийг сэргээгдэх нөөц ашиглан үйлдвэрлэдэг болохоор зорьж байгаа юм. Сэргээгдэх эрчим хүчний үндэсний төвийн судалгаагаар Монгол Улс жилд 2550 тераватт/цаг сэргээгдэх эрчим хүчний нөөцтэйг тогтоосон байдаг. Харин төсөл хэрэгжих говийн бүс нутагт жилийн дундаж салхины хурд 7.4 м/сек байдаг.

 “Ferrostaal” аж үйлдвэржүүлэх төслийн хүрээнд 54 МВт хүчин чадалтай Сайншанд салхин паркын барилгын ажил ирэх сард эхлэх гэж байна. Төслийн нийт өртөг 115 сая ам.доллар аж. . “Ferrostaal” нь санхүүжилтийнхээ 70 хувийг зээлээр, 30 хувийг өөрийн хөрөнгөөр шийдэх аж. 
 27 цамхагтай, жилд 190 сая КВт/цаг цахилгаан үйлдвэрлэх тус станц 2016 онд ашиглалтад орсноор Монголын хамгийн том салхин цахилгаан станц болох юм. Нийт үйлдвэрлэлээс 52МВт цахилгааныг Төвийн Эрчим Хүч Дамжуулах Сүлжээнд нийлүүлэх гэрээ байгуулжээ.