Барилга.МН сэтгүүлээс 2015 онд үндэсний үйлдвэрлэгчдээ дэмжин ажиллах зорилтын хүрээнд “Үндэсний баялаг бүтээгчдээ дэмжье” уриан дор үйл ажиллагаагаа түлхүү явуулах болно. Үүний нэгэн тод жишээ болгож үндэсний шилдэг үйлдвэр “Мегавүүд ХХК-г” онцолж, тус үйлдвэрээр зочилсон үйлдвэрлэлийн сурвалжлагыг уншигч та бүхэнд танилцуулахаар бэлтгэлээ.     

 “Мегавүүд ХХК”  нь  Ц.Ариунбат захиралтайгаар 100 хувийн дотоодын хөрөнгө оруулалтаар  2005 оны 12 сарын 05 нд байгуулагдсан. Өдгөө 10-н жилийн нүүрийг үзэж буй тус компани нь барилгын материал модон эдлэлийн үйлдвэрлэлийн салбарт энэ зууны анхдагчдын томоохон төлөөлөл юм. Үйлдвэрлэлийн бүтээгдэхүүний хувьд барилгын дотор хаалга, гэр ахуйн болон албан тасалгааны төрөл бүрийн тавилгыг үйлдвэрлэж байна. Анх түрээсийн байрнаас үйл ажиллагаагаа эхэлж байсан тус үйлдвэр сард 80 ширхэг хаалга үйлдвэрлэдэг байсан бол одоо өдөрт 100 гаруй хаалга үйлдвэрлэх хүчин чадалтай болтлоо хөгжсөн нь Монголынхоо нийт зах зээлийн хэрэгцээний 40-50 хувийг бүрэн хангах боломжтой болжээ. Үйлдвэр байгуулагдсан цагаас 30 орчим мянган айлын орон сууцны хаалга хийж,  нийт 70 орчим мянган ширхэг хаалга үйлдвэрлэжээ. “Мегавүүд ХХК”  одоогоор 70 гаруй ажиллагсадтайгаар үйл ажиллагаагаа улирлын хамааралгүйгээр хэвийн явуулж байна.

                               ТЕХНОЛОГИ БА ЧАНАР

Тус үйлдвэр нь дараах 4 хэсгээс бүрддэг. Заалны хэсэг, бэлэн бүтээгдэхүүний агуулахын хэсэг,  хаалганы үйлдвэр, тавилганы хэсэг гээд 4 хэсгээс бүрдэж үйлдвэрлэлээ явуулдаг.  ХБНГУ, БНСУ, БНХАУ-д үйлдвэрлэсэн компьютерийн удирдлага бүхий 60 орчим өндөр технологийн тоног төхөөрөмжүүдээр тоноглогдсон бөгөөд Герман, Итали технологиор бүтээгдэхүүнээ үйлдвэрлэн гаргаж байна.

2010 оны 10 сард Германы “Homag” фирмийн бүрэн автомат тоног төхөөрөмж импортоор авч үйлдвэртээ тоног төхөөрөмжийн шинэчлэлт хийснээр конвейрийн системийг үйлдвэртээ нэвтрүүлж дотор хаалга болон бүх төрлийн тавилгыг сүүлийн үеийн дэвшилтэд техник тоног төхөөрөмжөөр мэргэжлийн өндөр түвшинд үйлдвэрлэдэг. 
Харин тавилгын үйлдвэр нь өдөрт 20 ширхэг шкаф, ширээ болон интерьер тохижилтын ажлын 200м² лакан өнгөлгөөтэй бүтээгдэхүүн  үйлдвэрлэх хүчин чадалтай юм байна. Хэрэглэгчдийнхээ хэрэгцээ шаардлагад нийцүүлэн,  захиалгын дагуу хүссэн өнгө, загвар, хийц дизайнтай төрөл бүрийн тавилга, интерьер тохижилтын болон дотор хаалгыг PVC хуулга,  UVHI GLOSS  буюу Ультра Ягаан туяаны хаталттай өндөр чанартай гялгар лак, PU будаг гэсэн үндсэн 3 төрлийн өнгөлгөөтэйгээр бүтээгдэхүүнээ үйлдвэрлэн зах зээлд нийлүүлж  байна. Тавилгын үйлдвэрлэл нь  дотроо лак, будаг, зүлгүүрийн гэсэн үндсэн 3 цехээс бүрдэнэ.



                                                                 Эсгүүрийн цех



                                                                  Зүлгүүрийн цех



                                                          Лакан өнгөлгөөний цех



                                                  Будгийн цех гадна талаасаа 



                                                                       Будгийн цех



                                                            Хатаалгийн өрөө



                                                                Өнгөлгөөний цех       

             ҮЙЛДВЭРЛЭЛИЙН ТҮҮХИЙ ЭД    / МАТЕРИАЛ /
 Хаалганы үйлдвэрлэлд ашигладаг түүхий эд /  материалын жагсаалт /
 

Цехийн зурагнууд.................
Тавилганы үйлдвэрлэлд ашигладаг түүхий эд /  материалын жагсаалт /
 

                                                              Автомат эсгүүрийн машин



                               Хаалгийг захиалагчийн хүсэлтийн дагуу хийсэн байдал



                                                      Хаалганы өнгөлгөөний төхөөрөмж       



                                                Лакадсан хавтанг шарж хатаах төхөөрөмж 



                                                  Өнгөлсөн өнгөлөөгүй хавтангийн ялгаа



                                                                 Наалт хийх төхөөрөмж



                                                         Наалтны цавуу түрхэлт



                                              Гадна тусгаарлагч хийж буй байдал



                                          Наалт хийсэн байдал                                                                                                        

 Хаалга бол... Айл болон албан байгууллагын нэрийн хуудас         



 “Мегавүүд ХХК” -ийн Менежер Жамбаагийн  Баяраатай үйлдвэрийн талаар яриа өрнүүллээ.
 

Манай үйлдвэрийн технологийн хувьд Герман, Италийн хамгийн сүүлийн үеийн технологиор бүтээгдэхүүнээ үйлдвэрлэн зах зээлд нийлүүлж байна. Үйлдвэр нь сард 2500 хүртэлх иж бүрэн хаалга, 400 орчим ширхэг тавилга үйлдвэрлэх хүчин чадалтай.  Хэрэглэгчийн сонгосон загвар болон санал болгож буй загварын дагуу захиалга авч хаалга, тавилгыг үйлдвэрлэхээс гадна хэрэглэгч нь хаалганы 50 гаруй загвар, 20 гаруй өнгөнөөс шууд сонголтоо хийх боломжтой. Бид бүтээгдэхүүнийхээ чанараар тэргүүлж, загвараар бишрүүлнэ.

Үйлдвэрийн давуу тал гэвэл хаалгыг зөвхөн нэг хэв загварт баригдалгүй төрөл бүрийн хэмжээ, загвараар хийдэг.  Жишээ авахад нэг барилга 300 хаалгатай гэхэд тэдгээр 300 хаалганы хэмжээ бүгд өөр байдаг. Сүүлийн үед интерьерийн чиг хандлагат үндэсний болон модерн  хэв маяг зонхилж байна. Компаниудаас бидэнд төрөл бүрийн загвараар хаалга, тавилга, интерьерийн тохижилтоо хийлгэх захиалга орж ирдэг. Тэр бүхнийг хүсэл шаардлагад нь нийцүүлж, чанарын өндөр түвшинд баталгаа олгон хийж гүйцэтгэдэг нь бидний хамгийн том давуу тал юм болов уу.

Манай компанийн хувьд энэ жил үүсгэн байгуулагдсаныхаа 10 жилийн ойтойгоо золгож байна. Одоогоор бидний үйлдвэрийн хүчин чадал Монголын нийт зах зээлийн хэрэгцээний 40-50% - ийг дангаараа эзэлж, гадаад харилцаа тал дээр бүтээгдэхүүнээ өнгөрсөн оноос  ОХУ-руу экспортолж байгаа. Цаашлаад эхний ээлжинд ОХУ-аас гадна Казахстан, Хятадын зах зээлд бүтээгдэхүүний нийлүүлэх  зорилттой ажиллаж байна.

Манай компани бүтээгдэхүүнийхээ үндсэн түүхий эдийг Швейцарь улсын “Кrono” группийн Бээжин дэх үйлдвэр, Тайванийн “МСЖ” компаниудаас импортоор авдаг. Манай үйлдвэрлэлд хамгийн өргөн ашиглаж байгаа түүхий эдүүд болох хавтан, хуулга, цавууг гаднаас авч байна.
Модон эдлэлийн үйлдвэрийн хувьд хамгийн чухал түүхий эд нь хавтан байдаг. Бидний зүгээс хавтангийн үйлдвэрлэлийг дотооддоо үйлдвэрлэх төсөл дээр ажиллаад 3 жил болж байна. Хавтан үйлдвэрлэлийн төсөл амжилттай хэрэгжвэл жилд 30 мянган метр куб хавтан гаргах боломжтой. Бид барилгын бүхийл төрлийн хавтан үйлдвэрлэх боломжийг судласан.

Хавтан үйлдвэрлэхэд цөөхөн нэрийн түүхий эд ашигладаг. Энэ төрлийн үйлдвэрлэл явуулахад манайд хангалттай нөөц бололцоо байна. Хавтангийн гол түүхий эд нь мод. Гэхдээ модыг тайрч сүйтгэх юм биш. Манайд ойн салбарын хөгжил муу байна. Ойд шатсан модны хожуул, хорхой идсэн үхсэн мод, унанга гээд ашиглагдахгүй хог болсон нөөц маш их байна. Үүнийг бид зөв ашиглаж чавдал Монголд 200 жил хангалттай ашиглах баялаг түүхий эд байна. Төр засаг зөв зүйлдээ хөрөнгө оруулалт хийж, цаг үеэ олсон үйлдвэрлэл нээх нь дотоодын үйлдвэрлэлээ жинхэнэ утгаар нь дэмжсэн дэмжлэг болох юм.  

Манай гол зарчим хуулиа дээдлэж ажиллах, ажилчдын хөдөлмөрийн аюулгүй байдал зэрэгт анхаарч ажилладаг учир бэрхшээл гарах нь төдийлөн гайгүй.  Төсөл боловсрууллаа гэхэд олон хүчин зүйлээс шалтгаалж байна.  Бидний төсөл 888 төсөлд амжилттай шалгараад  явж байтал засаг төр солигдох үйл явцаас болж ажил зогслоо. Үүнээс үүдэж тавьсан зорилт эхлэсэн ажил удааширдаг.

Манай компаний цаашдын зорилго бол зөвхөн модон эдлэл ч гэлтгүй төмөр эдлэлд хүч үзэх, хуванцарийн үйлдвэр, төмөрлөгийн үйлдвэртэй болох зорилготой байна. Мөн ажилчдын нийгмийн асуудал маш чухал тул ажилчиддаа зориулж орон сууц барих ажлыг хийхээр төлөвлөөд байна.
Мөн хавтангийн төсөлдөө зориулаад үйлдвэрлэл зохион байгуулах газраа бэлдсэн. Ер нь бидний зүгээс хийх ёстой зүйлээ бэлдээд л байна. Хамгийн том асуудал нь санхүүжилт,  хөрөнгө оруулалт шийдэгдчихвэл энэ бүх зорилтуудаас өөр асуудалгүй биелэгдэх боломжтой.

               ТЕХНОЛОГИЙН ГАЙХАМШИГ-  ҮЙЛДВЭРЛЭЛИЙН ХӨГЖИЛ

Аливаа бизнесийг харилцагч түншүүдээр нь тодорхойлдог гэхэд хилсдэхгүй биз.  “Мегавүүд ХХК” Монголын зах зээл болон гадаад зах зээлд давхардсан тоогоор 4000 гаруй харилцагч түншүүдтэй болж чадсан. Хэрэглэгчийн таалалд нийцэхүйц төрөл бүрийн дизайн,  хийц бүхий орон сууц, оффисын зориулалтын дотор хаалга,  тавилгыг үйлдвэрлэж , харилцагчдынхаа эрэлт хэрэгцээ, хүсэл сонирхлыг хүндэтгэн, хүлээсэн үүргээ өндөр түвшинд биелүүлж компанийхаа нэр хүндийг өндөрт өргөж, хамгийн орчин үеийн техникээр шилдэг бүтээгдэхүүнийг үйлдвэрлэж байна.
Тус үйлдвэрийн хийсэн бүтээлүүдээс танилцуулъя:









                                         Угсардаг мебел хана                



                                                   Тусгаар тогтнолын ордны интерьерийн тохижилт             



                                               Худалдаа хөгжлийн банкны оффисын хана               



                                              Худалдаа хөгжлийн банкны үүдний хэсэг



                                                      Тусгаар тогтнолын ордон интерьер    

          Сэтгүүлчийн эргэцүүлэл

Өөдлөх айл үүднээсээ гэдэг шиг тус үйлдвэрээр орсон анхны сэтгэгдэл Монголчуудын хөлс хүч,  сэтгэл шингээж  хийсэн бүтээлүүдийг нь харахад өөрийн эрхгүй бахархах сэтгэл төрж байсныг нуух юун.

Өнөөдөр Монголын зах зээлд үндэсний үйлдвэрлэлээ нэр төртэй,  нүүр бардам  авч яваа хувийн хэвшлийн компаниуд олон. Хувийн хэвшлийхэн хоорондоо атаархах биш импортоор орж ирж буй гадны бүтээгдэхүүнтэй өрсөлдөх хэмжээний байх ёстой.

Төр засгаас үндэсний үйлдвэрлэлээ дэмжихийн тулд импортыг хязгаарлаж,  татварыг нэмсэнээр гаднаас орж ирж буй бүтээгдэхүүний зах зээл аяндаа хумигдана.  Ингээд ирэхлээр Монголын зах зээл гадны зах зээлээс хамааралгүй болж өөрсдийн хүчээр дотоодын нийт хэрэгцээгээ хангаж гадагш мөнгөний урсгал урсахгүй байж үндэсний үйлдвэрлэлээ дэмжиж Монгол хүн бүр ажилтай орлоготой байх үндэс бүрдэх юм.

Холбоо барих утас:  976-11-311314, 976-99043008 , 99859502
Факс:  976-11-311314 +976311314, +97699043008
 
Web: http://megawood.mn/ http://haalga.mn/