Сүүлийн үед бүхий л зүйлийг “ногооруулах” болсон. Ногоон хувьсгалаас эхлээд ногоон хурал, ногоон  хот, ногоон барилгыг тухай ихэд дуулдана.  Гэвч аливааг жижгээс эхлэх нь зүйтэй болов уу. Өөрөөр хэлбэл ногоон хотыг бий болгохын тулд ногоон барилгыг бий болгох, ногоон барилгыг бий болгохоос өмнө ногоон оффисийг бий болгох хэрэгтэй гэж бодно.  Ногоон оффисийг бий болгоно гэхээр өрөө тасалгаанадаа цэцэг навч ер нь ногоон ургамлыг тарина гэж андуурч ойлгох нь бий. “Ногоон оффис” гэдэг нь зөвхөн мод, цэцэг тарих асуудал биш бөгөөд нөөцийн /ус, эрчим хүч, цаас.../ хэрэглээний үр ашгийг дээшлүүлэх, бохирдлыг бууруулах, урьдчилан сэргийлэх олон талт үйл ажиллагаа юм. 
Тухайлбал: Оффисын цахилгаан тоног төхөөрөмжийг ашиглах явцад өөрийн худалдан авсан үнээс илүү их зардал гардаг болохыг ихэнх хүмүүс ойлгодоггүй. Жишээлбэл, хувилагч машиныг /канон/ 7 жил тасралтгүй ашиглахад өөрийн үнээс хэд дахин их эрчим хүч хэрэглэдэг. 100 боодол хоёрдогч цаас хэрэглэхэд 2 мод огтлох, 1 тонн хүлэмжийн хий ялгарахаас сэргийлэх боломжтой.
Ногоон оффисийг хөгжүүлэхийн тулд доорх доорх арга хэмжээг авах нь зүйтэй талаар МҮХАҮТ-ын Цэвэр хөгжил, цэвэр үйлдвэрлэлийг дэмжих газраас зөвлөжээ.