Монголын барилгын салбарт  төрийн бус олон байгууллага байдаг ч залуусын оролцоо дутмаг харагддаг. Байгуулагдаад удаагүй байгаа Монголын барилгачин залуусын холбоо ТББ нь барилгын салбарт ажиллаж хөдөлмөрлөж буй залуусын эрх ашгийг хамгаалах, тэдний дуу хоолойг болон үйл ажиллагааг нэмэгдүүлж, улс орны хөгжилд үнэтэй хувь нэмэр оруулахаар нэгэн зорилгын дор салбарын залуус нэгдээд байна.  

Тус холбооний үйл ажиллагааг БХБЯамны "Барилгын хөгжлийн төв"-өөс бүхийл талаар дэмжин хамтран ажиллах болно гэдгээ илэрхийсэн. Өнөөдөр “Монголын барилгачин залуучуудын холбоо”  болон “Барилгын хөгжлийн төв” хамтран ажиллах санамж бичигт гарын үсэг зурлаа.

Санамж бичгийн хүрээнд  улс орны хөгжлийн түүчээ болсон барилгын салбарт ажиллаж буй залуусын дуу хоолой болох, барилгын салбарыг эрчимтэй хөгжүүлэх талаар төрөөс баримтлах бодлого стратегийг боловсруулах, хэрэгжүүлэхэд салбарын төрийн болон төрийн бус байгууллагууд мэргэжлийн холбоодын залуусыг нэгэн зорилгын дор нэгтгэн хамтран ажиллах замаар барилгын салбарт ажиллаж буй залуучууд аж ахуйн нэгж байгууллага, иргэний хууль эрх зүйн орчныг таатай болгоход судалгаа, мэдээллийн чиглэлээр хамтран ажиллах юм. Түүнчлэн салбарт үйл ажиллагаа явуулж буй төрийн бус байгууллагууд, мэргэжлийн холбоод, бизнес эрхлэгчдийг мэдээллийн нэгдсэн системээр хангаж хамтын ажиллагааг хөгжүүлэхэд дэмжлэг үзүүлэх талаар Санамж бичигт тусгажээ.