Орчин үеийн шийдэлтэй гоё сайхан барилгууд алс холын Европт бус Ази тивд тэр тусмаа манай өмнөд хөрш Хятадад олноор баригдах болжээ.
Хятадын гурван том нуурын нэгд тооцогдох”Тайхи” нуурын эрэг дээр баригдсан зочид буудлыг танилцуулахаар бэлдлээ.  Энэхүү барилга нь дэлхийн хамгийн өндөр барилга Арабын Эмират дахь Бурж Дубайгаас илүү олны анхаарлыг татаж байгаа талаар цахим хуудсаар таржээ. 2013 онд ашиглалтанд орж, нуурын хажуу дахь халуун рашаан сувилалыг түшиглэн баригдсан энэхүү барилга юугаараа ийнхүү олны анхаарлыг татав гэдэг нь уг барилгын архитектурын шийдэлтэй холбоотой гэнэ. Нуман хэлбэртэй 101 давхар энэхүү барилгын гадна фасадад нь 3-4 өнгийн лед гэрлийг суурилуулсан нь үдшийн цагаар үнэхээр гайхалтай харагдуулж чаддаг байна. Мөн нуурын усан дээр барилгын тусгал  хэрхэн тусахыг эртнээс төлөвлөсөн нь гайхалтай болжээ.  Өөрөөр хэлбэл үдшийн цагаар та энэ барилгыг харахаар очвол бодитоор харахаас гадна нуурын уснаас харж болох юм. 






Дотоод засал чимэглэлийг ч үнэхээр гайхалтай хийсэн гэнэ.