Эрчим хүчний эерэг тэнцвэртэй байшингууд нарны зай ашиглан хэрэглэж байгаагаасаа илүү эрчим хүч үйлдвэрлэн гаргадаг. Илүүдэл эрчим хүчээ ерөнхий эрчим хүчний шугамд өгч болно. Эрчим хүчний эерэг тэнцвэртэй байшин болон бусад экологид таатай сууцнууд нь дулаан тусгаарлалт онцгой сайн, тусгай технологи ашигласан, эрчим хүчний сонголттой тул эрчим хүчний бага шаардлагатай байдаг.
 
Ердийн байшингууд өөрийнхөө халаалтанд 80-300 кВт цаг/ мІ зарцуулдаг. 80 кВт цаг/мІ - аас доош зарцуулдаг байшинг бага эрчим хүчтэй гэж үздэг. Идэвхгүй халаалттай байшингуудын жилийн зарлага нь 15 кВт цаг/мІ -аас хэтрэхгүй байдаг. Экологид таатай сууцнуудын ихэнхийг модоор барьдаг ба тэрээр нь онцгой дулаан тусгааарлагч шинж чанартай байдаг. 



Мод нь сэргээгдэх материал болдгоороо экологид нийцтэй юм. Дээвэр болон гадаад хананд зориулж маалинга болон дахин боловсруулсан цааснаас гарган авдаг целлюлоз зэрэг тусгаарлагч материалууд ашигладаг. Гурвалсан цонхнууд дотогш нь гэрлийг сайтар оруулж, дотор дулааныг барьдаг.



Энэхүү нөлөөллийг тусгай төлөвлөлтөөр сайжруулж болдог юм. Жишээ нь орон сууцны өрөөнүүдийн цонх өмнө зүг рүү харуулсан шалнаасаа тааз хүрсэн том цонхнууд байдаг. Нарны халаалтын ийм хэлбэр нь боломжийн температурыг хадгалж чаддаг. Унтлагын өрөөний жижиг цонх хойшоо харсан байдаг. Экологийн хувьд таатай орон сууцны ихэнх нь нарны эрчим хүч болон дээвэртээ байрлуулсан фото цахилгаан зайнууд ашиглана. Тийм тохиолдолд дээвэр нь урагшаа харсан байдаг.