Энэ жилийн эдийн засгийн форум “ИТГЭЛЦЭЛ-ирээдүйг гэрэлтүүлэх эхний алхам” уриан дор эхний өдрөө амжилттай  зохион байгуулагдаж, өнөөдөр хоёр дахь өдрөө үргэлжилж байна.

Барилга, үл хөдлөх хөрөнгийн салбарынхан  “Монгол улсын барилга, үл хөдлөх хөрөнгийн зах зээл хөрөнгө оруулалтын орчин” сэдвээр Засгийн газрын ордны “Б” танхимд  хуралдсан юм. Хуралд оролцож буй үл хөдлөх хөрөнгийн салбарын төлөөллүүдээс цөөн асуултын хүрээнд ярилцлаа. 



- Эдийн засгийн форумын  чухал нэгэн сэдэв болох барилга, үл хөдлөх хөрөнгийн зах зээл хөрөнгө оруулалтын талаар хуралдаа. Энэхүү хурлаас төрсөн сэтгэгдэлээ хуваалцна уу?

FORTUNE PROPERTIES GRUOP Дэд Захирал Б. Гүнболд 

Өнөөдрийн эдийн засгийн форумыг харж байхад итгэлцлийн талаар их  ярьж байна. Итгэлцэл гэдэг зайлшгүй ярих зүйл болжээ. Ялангуяа Монголын бизнесийн орчинд итгэлцэл алдагдсанаас  болж хөрөнгө оруулалт зогсох бас нэгэн шалтгаан болж байна.  Аливаа бизнест итгэлцэл байж бизнес амжилттай явагдана. Форумаар Төр бизнесийн салбараа дэмжихэд бэлэн, та бүхэн төрдөө итгэл өгөөрэй гэж уриалан дуудаж байна.  Ялангуяа барилгын салбарт боломж байгааг БХБ-ын сайд ярьсан.  Тэр боломж дээр үндэслэж хөрөнгө оруулалтын шинэ санхүүгийн механизмууд  нэвтрүүлэх талаар ярилаа.  Энэ нь  үл хөдлөх  салбарынхны хувьд маш олзуурхууштай зүйл юм.

- Хөрөнгө оруулалтын таатай орчныг бүрдүүлэхийн тулд барилгын компаниуд юун дээр анхаарч ажиллах вэ?

Барилгын компаний хувьд бол нэгдүгээрт хариуцлага сахилга бат,  хамгийн их тулгамддаг зүйл бол  компаниудын хариуцлагын асуудал болох хөдөлмөр хамгаалал аюулгүй байдал дээр зарцуулах ёстой мөнгөө зарцуулаад хариуцлагаа чангатгах  хэрэгтэй. Энэ тохиолдолд  хариуцлага нэмэгдэж аль аль талдаа эрсдэлгүй бизнес явагдана.  
Хоёрдугаарт чанар стандарт гэдэг зүйлийг орхиж болохгүй.  Чанар стандартаас бизнесийн цаашдын ирээдүй шалтгаална. Мөн зохион байгуулалтыг чанд мөрдөх хэрэгтэй юм. Орчин үеийн арга ажиллагаатай зохион байгуулалтын зөв системд шилжих хэрэгтэй байна.

UMC ALPHA Гүйцэтгэх Захирал Н. Монсор 
 
- Эдийн засгийн форумын  чухал нэгэн сэдэв болох барилга, үл хөдлөх хөрөнгийн зах зээл хөрөнгө оруулалтын талаар хуралдаа. Энэхүү хурал дээр танд төрсөн сэтгэгдэл юу вэ?

-Энэ жилийн Эдийн засгийн форум "Итгэлцэл" гэсэн уриан дор явагдаж байгаа нь маш оновчтой санагдлаа.  Барилгын салбарын хувьд анхаармаар нэг зүйл ажиглагдсан. Орчин үед салбар маань захиалагч гүйцэтгэгч гэсэн 2 субъектээс бүрдэхээ больсон.  Үүнийг сайн ойлгож, ухуулах шаардлага гарч байна.  Хуралдаанаар хөрөнгө оруулалтын сангийн талаар онцолж байна.  Яригдалгүй өнгөрсөн зүйл бол хөрөнгийн зах зээлийн биржийн талаар  түлхүү ярих ёстой.  Ингэснээр дотооддоо байгаа хөрөнгө оруулалт хийх боломжтой сул капиталыг  олж харах боломж бүрдэх юм.  Тэгэхээр цаашид биржийн талаар түлхүү ярих хэрэгтэй.
- Барилгын салбарт хөрөнгө оруулалт маш чухал.  Хөрөнгө оруулалтын салбарт илтгэлцэл гэдэг зүйл орхигдсон юм шиг санагдсан. Энэ тал дээр та ямар байр суурьтай байна вэ?
-Санал нэг байна. Итгэлцэлгүйгээр бизнес явагдахгүй. Монгол улс хөрөнгө оруулалтыг татахын тулд  зөвхөн Монгол руу биш гадны хөрөнгө оруулалтын салбарт бид  эн зэрэгцэхүйц  хэмжээний байх ёстой гэж бодож байна. Дотоодын хөрөнгө оруулалтад эрх зүйн таатай орчинг  бүрдүүлж өгөх хэрэгтэй.  Хуралдаанаар ярьсан нэг асуудал бол барилгын татварын талаар ярьж  байсан. Энэ тал дээр ч би санал нэг байгаа. Татвар авах нь зөв гэвч эдийн засгийн хүндрэлтэй энэ үед  татвар тавих нь зөв үү? гэдэг асуулт урган гарч байна.  БХБ-ын сайд хэлсэн үгэндээ эдийн засгийн хямралын үед  татвар авах нь эргэлзээтэй асуудал.  Барилгын компаниудаа дэмжих биш түлхсэн асуудал болно гэж ярьж байсан.  Иймд миний бодлоор ч мөн адил  энэ цаг үед татвар авбал эргүүлээд орон сууцны үнэ дагаад нэмэгдэнэ.