Иргэдийн дунд хамгийн их хүлээлттэй байдаг бүтээн байгуулалт бол яах аргагүй Эрүүл мэндийн салбарын эмнэлэгийн асуудал байдаг. Монгол улсад улсын тодотголтой гэхээсээ илүү хувийн эмнэлэгийн тоо харьцангуй их байдаг. Тэр дундаа хүүхдийн дагнасан эмнэлэг байдаггүй манай орны хувьд ийм эмнэлэг мөрөөдөл гэхэд болно. Энэ жил Нийслэлийн 2015 оны төсвийн тодотголоор төсвийн татварын бус орлогын боломжит бүхий л эх үүсвэрийг ашиглаж, төсвийн хөрөнгө оруулалтын хэмжээг батлагдсан түвшингээс нэмэгдүүлэхээр болсон. Тэрхүү санхүүжилтийн эх үүсвэрээ газрын дуудлага худалдаа, сонгон шалгаруулалтыг тодорхой байршлуудад зохион байгуулах, нийслэлийн өмчийн зарим барилга байгууламж, эд хөрөнгийг хувьчлах замаар бүрдүүлэх юм байна.

Эрүүл мэндийн салбарт Нийслэлийн төсвөөс 8 тэрбум 206,8 сая төгрөгийг зарцуулах шийдвэр гарсантай холбогдуулан Хан-Уул дүүргийн түргэн тусламжийн төвд  2,681,8 сая төгрөг мөн хүүхдийн эмнэлэгийн барилгыг Баянгол, Чингэлтэй, Хан-Уул дүүрэгт барьж эхлэхэд 2,825,0 сая төгрөг, Эрүүл мэндийн байгууллагуудын тоног төхөөрөмж 2,700,0 сая төгрөг тус тус зарцуулахаар тусгажээ. Мөн Нийслэлийн өмчийн концессоор эмнэлэгийн гурван барилгыг барих юм.