ҮХХ-ийн салбарынхан эрх зүйн орчиндоо анхаарч ажиллана
Үл хөдлөх хөрөнгө зуучлалын салбарт үйл ажиллагаа явуулахад эрх зүйн орчин нь тодорхой бус, баримтлах үндсэн гол хуульгүй, холбогдох бусад хуулиудаар зохицуулагддаг боловч тэдгээрийн холбогдох зүйл заалтууд нь тодорхой бус байдаг нь энэ салбарын хөгжилд багагүй бэрхшээл болж байна. Тиймээс салбарын бизнесийнхэн нэгдэж үл хөдлөх хөрөнгө зуучлалын үйл ажиллагаа явуулахад тулгарч буй бэрхшээлийг ил гаргах, шийдвэрлэх арга замыг тодорхойлох, энэ талаарх гадны улс орнуудын туршлагуудыг судлах зэргээр өнөөгийн хүчин төгөлдөр мөрдөгдөж буй хууль тогтоомжуудыг боловсронгуй болгох үүднээс хууль эрх зүйн орчны судалгаа шинжилгээний баг буюу Юстиция ХХК-тай хамтын ажиллагаагаа эхлүүлээд байна.
Үүний хүрээнд Үл хөдлөх хөрөнгө зуучлалын нэгдсэн холбоо, МҮХАҮТ-ын дэргэдэх Үл хөдлөх хөрөнгийн арилжаа, зах зээлийн хөгжлийн зөвлөл хамтран Үл хөдлөх хөрөнгө зуучлалын үйл ажиллагааны эрх зүйн орчин сэдэвт сургалтыг зохион байгууллаа. Сургалтаар үл хөдлөх эд хөрөнгийн татварын эрх зүйн орчин, гэрээ хэлцэл хийх явц болон тэдгээрт тавигдах шаардлага, зуучлалын үйл ажиллагааны талаар гадны улс орнуудын эрх зүйн зохицуулалт ямар байдаг зэрэг сэдвүүдийг түлхүү ярилцаж, сургалтын төгсгөлд оролцогчдын дунд хэлэлцүүлэг явуулсан. Оролцогчид зуучлалын үйл ажиллагааны үед хийгдэх гэрээ хэлцэл, газар эзэмшлийн асуудал, үл хөдлөх хөрөнгийн татварын эрх зүйн зохицуулалтын талаар түлхүү сонирхон асууж, эдгээрт тулгарах бэрхшээлийг хэрхэн арилгах, гадны улс орнуудын энэ талаар баримтлах бодлого, хуулийн эрх зүйн зохицуулалт ямар байдаг талаар ихээхэн сонирхож байв. Уг салбарын асуудал Эд хөрөнгийн эрхийн бүртгэлийн тухай хууль, Нотариатын тухай хууль, Барилгын тухай хууль зэрэг тодорхой хэдэн хуулиас ихээхэн хамааралтай. Тийм ч учраас холбогдох хуулийн зүйл заалтуудад тусгах саналаа ойрын хугацаанд гаргаж, холбогдох байгууллагуудад уламжлахаар шамдан ажиллаж байна.
Тус салбарынхан өнгөрсөн хугацаанд реалторуудаа мэргэшүүлэх чиглэлд анхаарч, анхны реалтор бэлтгэх сургалтыг мөн зохион байгуулсан. Салбарын мэргэжилтнүүдийг бэлтгэх, хууль эрх зүйн орчноо боловсронгуй болгох, үл хөдлөх хөрөнгө зуучлалын мэргэжлийн үйл ажиллагааг олон нийтэд үзүүлж, эл салбарын хөгжлийг олон улсын түвшинд хүргэх тэргүүн зорилт тавин ажиллаж буйгаа тэд хэлж байгаа юм.
Үүний хүрээнд Үл хөдлөх хөрөнгө зуучлалын нэгдсэн холбоо, МҮХАҮТ-ын дэргэдэх Үл хөдлөх хөрөнгийн арилжаа, зах зээлийн хөгжлийн зөвлөл хамтран Үл хөдлөх хөрөнгө зуучлалын үйл ажиллагааны эрх зүйн орчин сэдэвт сургалтыг зохион байгууллаа. Сургалтаар үл хөдлөх эд хөрөнгийн татварын эрх зүйн орчин, гэрээ хэлцэл хийх явц болон тэдгээрт тавигдах шаардлага, зуучлалын үйл ажиллагааны талаар гадны улс орнуудын эрх зүйн зохицуулалт ямар байдаг зэрэг сэдвүүдийг түлхүү ярилцаж, сургалтын төгсгөлд оролцогчдын дунд хэлэлцүүлэг явуулсан. Оролцогчид зуучлалын үйл ажиллагааны үед хийгдэх гэрээ хэлцэл, газар эзэмшлийн асуудал, үл хөдлөх хөрөнгийн татварын эрх зүйн зохицуулалтын талаар түлхүү сонирхон асууж, эдгээрт тулгарах бэрхшээлийг хэрхэн арилгах, гадны улс орнуудын энэ талаар баримтлах бодлого, хуулийн эрх зүйн зохицуулалт ямар байдаг талаар ихээхэн сонирхож байв. Уг салбарын асуудал Эд хөрөнгийн эрхийн бүртгэлийн тухай хууль, Нотариатын тухай хууль, Барилгын тухай хууль зэрэг тодорхой хэдэн хуулиас ихээхэн хамааралтай. Тийм ч учраас холбогдох хуулийн зүйл заалтуудад тусгах саналаа ойрын хугацаанд гаргаж, холбогдох байгууллагуудад уламжлахаар шамдан ажиллаж байна.
Тус салбарынхан өнгөрсөн хугацаанд реалторуудаа мэргэшүүлэх чиглэлд анхаарч, анхны реалтор бэлтгэх сургалтыг мөн зохион байгуулсан. Салбарын мэргэжилтнүүдийг бэлтгэх, хууль эрх зүйн орчноо боловсронгуй болгох, үл хөдлөх хөрөнгө зуучлалын мэргэжлийн үйл ажиллагааг олон нийтэд үзүүлж, эл салбарын хөгжлийг олон улсын түвшинд хүргэх тэргүүн зорилт тавин ажиллаж буйгаа тэд хэлж байгаа юм.