Баянзүрх дүүргийн Мэргэжлийн хяналтын хэлтэс дүүргийн Засаг даргын тамгын газартай хамтран барилгын салбар дахь хөдөлмөр аюулгүй байдал, эрүүл ахуйн сургалтыг зохион байгууллаа. Жил бүр барилгын ажил эхлэхийн өмнөхөн буюу 4-р сард, мөн барилгын ажил зогсохын өмнө зохион байгуулдаг уг сургалтанд тус дүүрэгт барилгын ажил өрнүүлж байгаа компаниуд хамрагддаг уламжлалтай. Энэ намрын сургалт буюу өнөөдөр “Кемпиский” зочид буудалд болсон уг арга хэмжээнд        Баянзүрх дүүрэгт барилга угсралтын чиглэлэээр үйл ажиллагаа явуулдаг 68 аж ахуйн нэгжийн 140 гаруй хөдөлмөр аюулгүй байдлын ажилтнууд хамрагдсан юм.  Сургалтыг нийслэлийн Мэргэжлийн хяналтын газрын дэд бүтцийн хэлтсийн барилга техникийн хяналтын улсын ахлах байцаагч У.Ёндон болон “Алтан боломж” сургалтын төвийн багш Б.Галбадрах нар удирдан явуулсан бөгөөд аж ахуй нэгжүүд идэвхтэй оролцсон. Баянзүрх дүүрэг нь нийслэл хотод хамгийн олон барилга угсралтын ажил явагдаж байгаа дүүрэг бөгөөд энэ ч утгаараа сургалтанд хамрагдах аж ахуйн нэгж олон байсан юм. Дашрамд дуулгахад уг сургалтыг “Алтан боломж” сургалтын төвтэй хамтран зохион байгуулж байгаа аж.