Халуун дулаан энэ өнгө эрч хүч хийгээд дарангуйлал, түрэмгийллийн өнгө юм. Ерөнхийдөө эрч хүчтэй өнгө тул цусан улаан, уур хилэнтэй гэх мэтээр харгислалыг ч бэлгэдэх нь бий. Хэрэв таны сонголтонд улаан өнгө зонхилдог бол та зоригтой, шийдэмгий, эрх мэдэл, нэр хүндтэй, бусдыг захирах дуртай, өөртөө итгэлтэй, идэвхтэй, эрч хүчтэй байж болох юм. Энэ өнгө нь зарим үед анхаарал татахаас гадна урам зориг өгөх, сөргөлдөөн, мөргөлдөөнийг үүсгэх талтай. Улаан өнгө нь ноёлогч өнгө тул онцгой чухалчлах зүйлд ихэвчлэн хэрэглэгддэг бөгөөд цагийн баримжааг алдуулж түгшүүртэй байдлыг бий болгон, дур хүслийн өдөөх талтай байдгаас зугаа цэнгээний газруудад ихэвчлэн зонхилдог.
Харин энэ өнгийг дотоод засалд хэрхэн зохицуулж болохыг доорх зургуудаас харж болох юм. Улаан өнгө таны хамгийн дуртай өнгө хэр нь үүнийгээ гэрийнхээ дотоод засалд хэрхэн холбогдуулахаа мэдэхгүй байгаа бол эдгээр зургууд туслан хэмээн найдаж байна. Энэ өнгө нь их тод хурц тул өрөөг нэлэхүйд нь улаанаар бүрхвэл давчуу сэтгэгдэл төрүүлдэг тухай сэтгэл зүйчид өгүүлжээ. Үүнийг улаан өнгөтэй өрөө цагаан өнгө бүхий өрөөд 100 шахам хүнийг оруулсан туршилтаас ч илхэн харагдсан байна. Тийм учраас тө өрөө тасалгаагаа улаан өнгөөр чимэглэхээр шийдсэн бол зөвхөн нэг хэсгийг сонгох нь зүйтэй болов уу.  Түүнчлэн энэ өнгө гал тогооны өрөөнд илүү тохиромжтой байдаг байна.