“Pitsou Kedem Architects” студи “Tel Aviv Town House 1” төслийг танилцуулж байна. Энэ хувийн харш  Израиль улсын Тель-Авив хотын орон сууцны хороололд байрладаг ажээ. Нийтдээ 260 кв метр талбай бүхий энэ харш таван давхар. Нэгдүгээр давхарт гараж, дараагийн гурван давхар нь хүн амьдрахад зориулагдсан бол хамгийн дээд буюу тав дахь давхарт усан сан бүхий нарлаж, амрахад зориулан шийджээ. Эндээс хотыг бүхэлд нь тольдож болох бөгөөд давхар бүрийн хоёр талын хана нэлэнхүйдээ шилэн фасадтай тул энэ боломжийг олгодог байна.