Сонгино хайрхан дүүрэгт “Авто худалдааны төв” байгуулах бол Налайх дүүрэгт үйлдвэр технологийн парк” барьж байгуулах тухай Нийслэлийн Засаг даргын захирамж гарсан. Авто худалдааны төвийн зураг төсөл батлагдаад барьж байгуулах ажид өрнөж буй. Харин тун удахгүй хотын зүүн хэсэгт буюу Налайх дүүрэгт бүтээн байгуулалт өрнөх бололтой. Учир нь саяхан нийслэлийн төсвийн хөрөнгийн  санхүүжилт бүхий “Үйлдвэр технологийн парк”-ийн хэсэгчилсэн ерөнхий төлөвлөгөө боловсруулах ажлын гүйцэтгэгчийг  сонгон шалгаруулах Үнэлгээний хороог байгуулсан байна. Ингэснээр уг бүтээн байгуулалтын зураг төсвийг зохион гйүцэтгэгчийг сонгон шалгаруулах боломжтой болж байгаа бөгөөд тус үнэлгээний хорооны даргаар Нийслэлийн Засаг даргын Хот байгуулалт, хөрөнгө оруулалтын асуудал хариуцсан орлогч С.Очирбат ажиллах юм байна.