ДЭЛХИЙН ТАУЭРУУДЫН ХОЛБООНД МОНГОЛ БҮТЭЭЛ
Дэлхийн Тауэруудын Холбоо
Та Дэлхийн Тауэр буюу Цамхагуудын Холбоо гэж сонсож байсан уу? Энэ бол дэлхийн алдартай хөшөө дурсгал, барилга байгууламжийг багтаадаг Олон Улсын Холбоо юм.
Тауэр буюу цамхаг гэдэг бол хүн төрөлхтөний архитектурын шилдэг бүтээлүүдийг хэлнэ. Тэдгээр нь тухайн улс орондоо стратегийн ач холбогдолтой байх ёстой. Эртний алдартай бүтээл, цамхагуудад Жордан улсын Чулуун зэвсгийн үеийн Жерихо хот, Италийн Сардина арлын Нураг байгууламж, Шотландын Брокс чулуун тогтоц зэргийг нэрлэж болно.
Ер нь үлэмж хэмжээний байгууламж, цамхагуудын талаар Геннисийн номонд бичигдсэн эртний Вавилоны Шинар цамхагаас үүдэн “Өөрсөддөө зориулж диваажинд хүрч чадах хот болоод цамхаг сүндэрлүүлье” гэсэн домгийн шинжтэй уриа үг байдаг. Энэхүү үг нь өнөөдрийн агуу байгууламжууд босох гол үндэс болсон хэмээн үздэг байна.
Өдгөө архитектурын шилдэг шийдэлтэй олон тооны цамхагууд сүндэрлэн боссоор байна. Дэлхийн Тауэруудын Холбоонд нэгдсэн бүтээлүүд бүгд л тухайн хотынхоо бэлэг тэмдэг болсон байдаг. Орчин үед зохион бүтээж байгаа байгууламжуудын шийдэл болоод технологи нь хэмжээний хувьд, ялангуяа өндрийн хувьд боломжгүй хэмжээ бараг байхаа больж, жил ирэх тусам өндөр барилгын рекорд эвдэгдсээр байна.
Аливаа улсын алдартай барилга байгууламж нь аялал жуулчлал болоод мэдээлэл харилцааны гол нэвтрүүлэгч болдог. Тэнгэр баганадсан барилгын хөгжил харилцаа холбооны хөгжилтэйгээ зэрэгцэн явна. Жил бүр олон сая жуулчин Дэлхийн Тауэрын Холбоонд багтдаг цамхагуудыг зорин очиж, гайхамшигт хийцүүдийг нь биширсээр байна. Энэ нь тухайн улсад өдөр тутмын бизнес эрчимтэй явагдах томоохон хэсэг бөгөөд төрөл бүрийн уналга, ресторан, үзэсгэлэн, бизнес танхимууд, хуримын ордон болоод жуулчдыг татаж болохуйц үйлчилгээнүүдийг санал болгодог.
Манай Монгол бүтээл Дэлхийн Тауэруудын Холбоонд
Харин 2020 онд ашиглалтанд орох Өндөр Гэгээн Занабазарын урласан Майдар бурханы дүрийг 54 метр өндөр орчин цагийн урлагийн бүтээл болгон 108 метр өндөр суварган байгууламжийн хамт Төв аймгийн нутагт цогцлоон босгож байгаа энэхүү байгууламж нь Дэлхийн Тауэруудын Холбоонд бүртгэгдэн элсчээ.
Эдийн засгийн хурдацтай өсөлтөөрөө дэлхийд гайхагдаж байгаа Монгол улс эв нэгдэл, сэргэн мандалт, амар амгалан, хөгжил дэвшлийн бэлэг тэмдэг болгон Их Майдар бурханыг хойч үедээ зориулан бүтээж байгаа бөгөөд энэхүү бүтээл нь Рио Де Жанейро дах Есүс Христийн Хөшөө, Нью-Йорк дах Эрх Чөлөөний Хөшөө зэргээс өндөрт сүндэрлэх юм. Энэ нь Дэлхийн Тауэруудын Холбоонд бүртгэлтэй байдаг, дэлхийн жишиг хотуудад байрлах алдартай цамхагуудтай нэгэн адил эдийн засаг, аялал жуулчлал, нийгэм соёлын гол цөм болох төдийгүй 2040 он гэхэд 108 га эко хотыг барих төлөвлөгөөтэй юм.
Дэлхийн жишигт хөл нийцүүлэн алхах, тэр дундаа Дэлхийн алдартай барилга байгууламжууд, цамхагууд багтдаг энэ холбоонд бүртгэгдсэн гэхээр Монголчууд бидний сэтгэлд өөрийн эрхгүй бахархал төрнө.
Та Дэлхийн Тауэр буюу Цамхагуудын Холбоо гэж сонсож байсан уу? Энэ бол дэлхийн алдартай хөшөө дурсгал, барилга байгууламжийг багтаадаг Олон Улсын Холбоо юм.
Тауэр буюу цамхаг гэдэг бол хүн төрөлхтөний архитектурын шилдэг бүтээлүүдийг хэлнэ. Тэдгээр нь тухайн улс орондоо стратегийн ач холбогдолтой байх ёстой. Эртний алдартай бүтээл, цамхагуудад Жордан улсын Чулуун зэвсгийн үеийн Жерихо хот, Италийн Сардина арлын Нураг байгууламж, Шотландын Брокс чулуун тогтоц зэргийг нэрлэж болно.
Ер нь үлэмж хэмжээний байгууламж, цамхагуудын талаар Геннисийн номонд бичигдсэн эртний Вавилоны Шинар цамхагаас үүдэн “Өөрсөддөө зориулж диваажинд хүрч чадах хот болоод цамхаг сүндэрлүүлье” гэсэн домгийн шинжтэй уриа үг байдаг. Энэхүү үг нь өнөөдрийн агуу байгууламжууд босох гол үндэс болсон хэмээн үздэг байна.
Өдгөө архитектурын шилдэг шийдэлтэй олон тооны цамхагууд сүндэрлэн боссоор байна. Дэлхийн Тауэруудын Холбоонд нэгдсэн бүтээлүүд бүгд л тухайн хотынхоо бэлэг тэмдэг болсон байдаг. Орчин үед зохион бүтээж байгаа байгууламжуудын шийдэл болоод технологи нь хэмжээний хувьд, ялангуяа өндрийн хувьд боломжгүй хэмжээ бараг байхаа больж, жил ирэх тусам өндөр барилгын рекорд эвдэгдсээр байна.
Аливаа улсын алдартай барилга байгууламж нь аялал жуулчлал болоод мэдээлэл харилцааны гол нэвтрүүлэгч болдог. Тэнгэр баганадсан барилгын хөгжил харилцаа холбооны хөгжилтэйгээ зэрэгцэн явна. Жил бүр олон сая жуулчин Дэлхийн Тауэрын Холбоонд багтдаг цамхагуудыг зорин очиж, гайхамшигт хийцүүдийг нь биширсээр байна. Энэ нь тухайн улсад өдөр тутмын бизнес эрчимтэй явагдах томоохон хэсэг бөгөөд төрөл бүрийн уналга, ресторан, үзэсгэлэн, бизнес танхимууд, хуримын ордон болоод жуулчдыг татаж болохуйц үйлчилгээнүүдийг санал болгодог.
Манай Монгол бүтээл Дэлхийн Тауэруудын Холбоонд
Харин 2020 онд ашиглалтанд орох Өндөр Гэгээн Занабазарын урласан Майдар бурханы дүрийг 54 метр өндөр орчин цагийн урлагийн бүтээл болгон 108 метр өндөр суварган байгууламжийн хамт Төв аймгийн нутагт цогцлоон босгож байгаа энэхүү байгууламж нь Дэлхийн Тауэруудын Холбоонд бүртгэгдэн элсчээ.
Эдийн засгийн хурдацтай өсөлтөөрөө дэлхийд гайхагдаж байгаа Монгол улс эв нэгдэл, сэргэн мандалт, амар амгалан, хөгжил дэвшлийн бэлэг тэмдэг болгон Их Майдар бурханыг хойч үедээ зориулан бүтээж байгаа бөгөөд энэхүү бүтээл нь Рио Де Жанейро дах Есүс Христийн Хөшөө, Нью-Йорк дах Эрх Чөлөөний Хөшөө зэргээс өндөрт сүндэрлэх юм. Энэ нь Дэлхийн Тауэруудын Холбоонд бүртгэлтэй байдаг, дэлхийн жишиг хотуудад байрлах алдартай цамхагуудтай нэгэн адил эдийн засаг, аялал жуулчлал, нийгэм соёлын гол цөм болох төдийгүй 2040 он гэхэд 108 га эко хотыг барих төлөвлөгөөтэй юм.
Дэлхийн жишигт хөл нийцүүлэн алхах, тэр дундаа Дэлхийн алдартай барилга байгууламжууд, цамхагууд багтдаг энэ холбоонд бүртгэгдсэн гэхээр Монголчууд бидний сэтгэлд өөрийн эрхгүй бахархал төрнө.