22-ын товчооны урд талд шинээр баригдаж буй техникийн зах буюу “Авто Худалдааны Цогцолбор” ОНӨААТҮГ болон “Авто худалдаа, машины бизнес эрхлэгчдийн холбоо” ТББ хамтран ажиллах санамж бичгийг байгууллаа.      
                                                                                                                  
Энэхүү санамж бичгийн хүрээнд цогцолборын зүгээс холбооны гишүүдэд зориулан 1649 ширхэг авто зогсоолыг “А”, “Б” хоёр хэсэгтэйгээр гарган өгч, банкны зээлээр болон төлбөрийн уян хатан нөхцөлтэйгээр худалдан авах боломжийг олгох, нөгөө талаас холбооны зүгээс “Авто худалдааны цогцолбор”-ын үйл ажиллагааг дэмжих, авто зогсоолын борлуулалтыг эрчимжүүлэх тал дээр бие биенээ дэмжин, хамтран ажиллах болжээ. 

Цогцолборын эхний ээлжийг барьж байгуулах ажлын явц одоогоор 85 орчим хувьтай байгаа юм байна. Харин “Авто худалдаа, машины бизнес эрхлэгчдийн холбоо” нь хуучин буюу дугаартай машин худалддаг бизнес эрхлэгчдийн томоохон холбоо юм.