Өнөөдөр МХЕГ-аас ашиглалтын шаардлага хангахгүй, насжилт өндөртэй барилга байгууламжид шалгалт  хийснээ танилцууллаа. Цэцэрлэг, сургууль, эмнэлэг, соёл урлагийн барилга, орон сууц гэсэн чиглэлд шалгалт хийснээс төрийн өмчит 656 сургуулийн 242 нь аюулгүй байдлыг хангаж ажиллах шаардлагатай байгааг хэлэв. Тухайлбал, Гадаад хэлний дээд сургууль, ШУТИС-ийн II байр, МУИС-ийн “Г” байрны үйл ажиллагааг зогсоох, СУИС-ийн төв байранд засвар шинэчлэл хийх, 686 цэцэрлэг хамрагдсанаас 251 нь ашиглалтын шаардлага хангахгүй, нийслэл, орон нутгийн  532 эмнэлгийн 161 нь эмчилгээ үйлчилгээ авч буй хүмүүсийн аюулгүй  байдлыг хангаж ажиллаж чадахгүй байгааг тогтоожээ.
Ашиглагдаж байгаа 110 мянга  гаруй барилга байгууламжаас 3000 орон сууцны барилга  260 нь насжилт өндөртэй, ашиглалтын шаардлага хангахгүй байгааг тогтоож,   нурах аюултай 41 барилгын  үйл ажиллагааг зогсоох шийдвэр гаргажээ. Олон хүний амь насанд эрсдэл учруулж болзошгүй Төмөр зам, Сүүний үйлдвэрийн ажилчдын байрыг яаралтай хөрөнгө мөнгө гаргаж, засвар үйлчилгээ хийх шаардлагатай гэж шалгалтаар дүгнэжээ.
Соёл урлагийн 401 барилга байгууламжаас  194 нь иргэдэд үйлчлэх боломжгүйг тогтоосон байна.
Мөн насжилт өндөртэй, ашиглалтын хугацаа дууссан  ДБЭТ /1950 он/,  УДЭТ /1958 он/, ЦДБЭЧ /1937 он/,  Байгалийн түүхийн музей /1956 он/,  Спортын төв ордон /1958 он/ зэрэг барилга байгууламж багтжээ.

Шалгалтад хамрагдсан сургуулийн 60 хувь, эмнэлгийн 40 хувь, үйлчилгээний байгууллагын 25 хувь, орон сууцны 15 хувь нь засвар үйлчилгээ хийсэн байна.
Улсын хэмжээнд 37, нийслэлд 12 байгууллага зориулалтын бус байранд үйл ажиллагаа эрхэлж байжээ.