Нийслэлийн Засаг дарга бөгөөд Улаанбаатар хотын захирагч Э. Бат-Үүлийн 2012-2016 онд хэрэгжүүлэх мөрийн хөтөлбөрт тусгагдсан "Гэр хорооллыг оршин суугч иргэдийн оролцоотойгоор дахин төлөвлөх үйл ажиллагаа амжилттай өрнөж байгаа бөгөөд шинээр батлагдсан ерөнхий төлөвлөгөөний дагуу төсөл хэрэгжүүлэх байршилд нийт 63,083 айлын орон сууц баригдахаар төлөвлөгдөн , эхний ээлжийн 4000 орчим айлын орон сууцыг 2014 оны  4-р улирал болон 2015 оны 1-р улиралд ашиглалтанд оруулахаар төлөвлөн ажиллаж байгаа юм.

     Энэхүү төлөвлөгөөний хэрэгжилтийн хүрээнд Нийслэлийн Иргэдийн төлөөлөгчдийн хурлын 7/29 , 12/43 тоот тогтоолуудаар батлагдсан 21 байршилд нийт 29 аж ахуйн нэгж батламжаа гардан авч гэр хорооллын дахин төлөвлөлтийн төсөл хэрэгжүүлж байгаа бөгөөд өнөөдөр "Эрэл групп" ХХК, "Монгол угсаа" ХХК, "Магма-Од" ХХК ,
төсөл хэрэгжүүлэх эрх бүхий батламжийг гардуулан өглөө. Гэр хорооллын дахин төлөвлөлтийн журмын дагуу эдгээр компаниуд нь төсөл хэрэгжүүлэхээр сонгосон талбайд газар, үл хөдлөх хөрөнгө өмчлөгч, эзэмшигч иргэдээс санал авч дэмжигдэн, бичиг баримтын зөрчилгүй газрын гэрчилгээтэй иргэдтэй нэг бүрчлэн уулзаж хоёр талт гэрээ байгуулсан байна.


                                           "Эрэл групп" ХХК



                                              "Монкон групп "ХХК


                                              "Монгол угсаа" ХХК


                                         "Магма-Од" ХХК

    Энэ үеэр нийслэлийн ИТХ-ын дарга ,Төслийн удирдах хорооны дарга Д.Баттулга “Гэр хорооллын дахин төлөвлөлтийн ажил хэрэгжиж эхлээд жил гаруй хугацаа өнгөрч байгаа ч төлөвлөгөөний дагуу амжилттай хэрэгжиж байна гэж бид дүгнэж байгаа. Эхний ээлжийн орон сууцууд ирэх сард ашиглалтад орно. Өнөөдөр батламж гардаж авч буй аж ахуйн нэгжүүдэд амжилт хүсье. Нийгмийн болон техникийн нөхцөлийг хотын захиргаа шийдэж өгнө. Бид төслөө амжилттай хэрэгжүүлэхэд та бүхнийг бүрэн дэмжиж ажиллана гэдгийг онцлон хэллээ.

Батламж гардан авсан тус компаниуд иргэдтэй гурван талт гэрээ байгуулан, хэсэгчилсэн ерөнхий төлөвлөгөөгөө батлуулснаар бүтээн байгуулалтын ажлаа эхлүүлэх эрхтэй болж байгаа юм.

                                  Төсөл хэрэгжүүлэгчээр шалгарсан компаниуд:
 

Эрэл групп ХХК- Чингэлтэй дүүргийн 9,10,11-р хороо , Дэнжийн 1000 орчмын хэсэгчилсэн ерөнхий төлөвлөгөө ХЕТ- 2013-3 багцын “ Б” хэсэгчилсэн талбай 39,7 га газарт Чингэлтэй дүүргийн 7,8-р хороо , Баянгол дүүргийн 11-р хорооны нутаг дэвсгэр дэх хэсэгчилсэн ерөнхий төлөвлөгөө ХЕТ- 2013- 4 багц 27 га газарт

Монкон групп- Чингэлтэй дүүргийн 9, 10, 11-р хороо Дэнжийн 1000 орчмын хэсэгчилсэн ерөнхий төлөвлөгөө ХЕТ-2013-3 багцын “Г” хэсэгчилсэн талбайн 15,2 га газарт

Магма-Од ХХК- Баянзүрх дүүргийн 2-р хороо Дарь эх орчмын хэсэгчилсэн ерөнхий төлөвлөгөө ГХДТ-2013-10 багцын 4,5 га газарт

Монгол угсаа ХХК- Баянзүрх дүүргийн 2-р хороо Дарь эх орчмын хэсэгчилсэн ерөнхий төлөвлөгөө ГХДТ-2013-10 багцын 15,5 га газарт