“Эрдэнэт” уулын баяжуулах үйлдвэрийн хаалтын менежментийн бодлогыг боловсруулах төсөлд тус үйлдвэрийн удирдлагууд  ихээхэн   анхаарал   хандуулж байна. “Эрдэнэт” үйлдвэрийн захирал Ц.Даваацэрэн ч хаалтын менежмент   нь   тус   үйлдвэрийг нөөцөөс хамааралгүйгээр цаашид үргэлжлэн ажиллах боломж гэдгийг хэлж байгаа юм. Тэгвэл тэрхүү хаалтын менежтентэд доорх ажлуудыг зайлшгүй тусгагдах шаардлагатай гэж үзэж байгаа юм.

Үүнд:
-Эрдэнэт үйлдвэрийн эдэлбэр газрын хүрээнд газрын ангиллыг  хийж,   ангилал   тус  бүрд  тохирох   аргачлал нөхөн сэргээж, аюулгүй орчин бүрдүүлэх -Аж   үйлдвэр,   бизнесийн   цогцолбор   буй   болгох хүрээнд, Засвар механикийн заводын үйл ажиллагааг хэвийн хадгалж,   Монгол  улсын  анхны   машин,  тоног төхөөрөмжийн үйлдвэрлэл болгон хөгжүүлэх

-Хиймэл нуур бий болгож, зуны улиралд усан спортын төв, өвлийн улиралд өвлийн спорт, аялал жуулчлалын цогцолбор  болгон ашиглах

-Авто уралдаан, аялал жуулчлалын төвийн бүсийн цогцолбор болгон хөгжүүлж, азийн томоохон тэмцээнүүдийг зохион явуулах боломж нөхцөлийг бүрдүүлэх

-Үйлдвэрийн барилга байгууламжийн үнэлгээ хийх, хаалтын дараах ашиглалтын хувилбаруудыг боловсруулах (музей, аялал жуулчлалын цогцолбор тус тус болгон ашиглах)

-Технологийн сургуулийг хөгжлийн бодлоготой уялдуулан   лаборатор, судалгаа шинжилгээ, зохион бүтээх, инженерийн зураг төсөл боловсруулах чиглэлээр Монголын үндэсний хэмжээний уул уурхай эрдэм шинжилгээний том институт болгон өргөтгөх зэрэг ажлууд хийгдэхээр багтжээ.