Дэлхнийн бакны санхүүжилт бүхий  “Боловсролыг дэмжих олон улсын түншлэлийн сургуулийн өмнөх боловсрол” төслийн хүрээнд нийслэлт хотод нэгэн цэцэрлэг баригдаж өнөөдөр нээлтээ хийлээ. Нийслэлийн 42-р цэцэрлэгийн өргөтгөл болох энэхүү цэцэрлэг ашиглалтанд орсоноор уг цэцэрлэг нэмэлтээр 100 хүүхэд хүлээн авах хүчин чадалтай болж байгаа аж.  Нийт 500 гаруй хүүхэд хүлээн авах чадалтай 42-р цэцэрлэгийн анхны хоёр барилга 1961 онд баригдаж, нэгд нь өнгөрсөн жил засвар хийж, өнгө үзэмжийг нь зассан байна. Канад технологиор баригдсан авсаархан хэр нь иж бүрэн тавилга, тоног төхөөрөмж бүхий шинэ цэцэрлэгийг нээлтэнд  Боловсрол, шинжлэх ухааны яамны дэд сайд Б.Ургамалцэцэг нарын албаны хүмүүс хүрэлцэн ирсэн юм.
            Дашрамд дуулгахад “Боловсролыг дэмжих олон улсын түншлэлийн сургуулийн өмнөх боловсрол” төслийн хүрээнд Улаанбаатар хотын найман дүүрэгт цэцэрлэг барих бол хөдөөгийн алслагдсан малчин өрхийн хүүхдүүдэд гэр цэцэрлэгийг иж бүрэн тавилга, тоног төхөөрөмж, тоглоом наадгайн хамт хүлээлгэн өгөх юм байна.