Дизейнер Кино Жерен /Kino Guerin/ сүүлийн 19 жил хийсэн туршилтын үр дүнд модыг уясан мэт хэлбэрт оруулж чадсан байна. Хэдийгээр энэхүү мод нь цэвэр байгалийн мод биш ч гэсэн хүний хөдөлмөрийн үр дүнд бий болсон бас нэгэн гайхалтай бүтээл юм. Тэрбээр эдгээр моднуудаа ашиглан төрөл бүрийн тавилга үйлдвэрлэдэг бөгөөд түүний эхнэр Элисси /Elyse/ байнгын хамтрагч гэнэ. Цэвэр мод биш гэхээр та бүхэн гайхаж магадгүй зураг дээрх үзүүр хэсгээр бөх гэгчийн зангирсан эдгээр мод нь та бидний сайн мэдэх паркетин шалны мод юм. Дизейнер Кино Жерен паркетен шалны үйлдвэрлэлд багагүй хугацаанд ажилласан бөгөөд хугарч, дахин ашиглагдахгүй болсон шалны моднуудыг сийлбэр хийх, хуванцар хайлуулж залгах зэрэг олон аргаар дахин ашиглаж байсны эцэст энэхүү уях аргыг бодож олсон байна. Сонирхолтой шийдэл бус гэж үү.