Цахилгаан шатны нэгэн шинэ төрлийг танилцуулахаар бэлдлээ. Хөгжлийн бэрхшээлтэй иргэд болоод өндөр настай хүмүүст зориулж Америкийн “Бруно” компаниас сандал цахилгаан шатыг анх үйлдвэрлэж эхлэсэн бөгөөд энэ нь хүмүүсийн сэтгэлд ихээхэн нийцсэн учир энгийн иргэд уг цахилгаан шатыг гэртээ ихээр хэрэглэх болжээ.  Учир нь сандал цахилгаан шат нь овор хэмжээ багатай авсаарханы дээр хэрэглэхэд маш энгийн. Хоёр ба түүнээс дээш давхар хувийн хаус бүхий өрхүүд энэхүү сандал цахилгаан шатыг гэртээ ашигласанаар уламжлалт цахилгаан шатыг хэрэглэснээс бага өртөгөөр гэртээ цахилгаан шаттай болох төдийгүй ашиглалтын явцад цахилгааны төлбөр, ашиглалтын зардал харьцангуй бага гарч байгаатай холбоотой юм. Сандал цахилгаан шат нь хоёр ширхэг 12 вольттын зайгаар ажиллах бөгөөд 110-181 хүртэлх хүнд ачааг тээвэрлэх хүчин чадалтай гэнэ. Түүнчлэн миниутад 7,62  метр хурдлах юм байна. 15 метр хүртэлх зайнд ачаа тээвэрлэх боломжтой бөгөөд хамгийн багадаа хоёр метр зайд зориулагджээ. Илүү дэлгэрэнгүйг уг шатыг санаачлагч компаний дараах (http://www.bruno.com) цахим хуудаснаас сонирхох боломжтой.