Улаанбаатар хотыг хөгжүүлэх Ерөнхий төлөвлөгөөний дагуу Улаанбаатар хотын СБД-ийн VII хороололыг ирээдүйд “Бизнесийн шинэ дүүрэг” болгохоор энэ жилээс эхний барилгын ажлууд эхлээд байгаа. Тус дүүрэгт ProONE оффисын төслийг хэрэгжүүлж байгаа “Мастер пропертис” ХХК-ийн Ерөнхий захирал Ц.Дашцэрэнтэй уулзаж тодруулга хийлээ.

    Танай компанийн хэрэгжүүлж буй төслийн талаар уншигчиддаа мэдээлэл өгөхөөр таныг зорьж ирлээ. Хамгийн их анхаарал татаж байгаа нь одоогийн эдийн засгийн нөхцөл байдалд 75%-ийн өгөөж хүртэнэ гэдэг маш том амлалт гэж бодож байна. Энэ талаар?
 

Яриагаа сонирхолтойгоор эхэлсэнд баярлалаа. Бидний хувьд 3 удаагийн судалгаа, шинжилгээ хийсний үндсэн дээр ProONE оффисын төслийг амжилттай хэрэгжүүлж байгаадаа баяртай байна. Төслөөс хүртэх 75%-ийн өгөөжийг мөнгөн дүнгээр тооцоход хамгийн багадаа 80 сая төгрөг болно. Гэхдээ тухайн хүн хэзээ худалдан авах шийдвэр гаргахаас хамаарна. Мэдээж энэ цаг үед юунд хөрөнгө оруулах нь иргэдийн хувьд маш чухал. Барууны орнуудад хөрөнгөтнүүд хямралын үед зөв үл хөдлөх хөрөнгөд хөрөнгө оруулснаараа амжилт олсон байдаг, одоо ч хамгийн том толгой баячуудын тоонд ҮХХ-ийн салбарынхан зүй ёсоор багтсаар байна.

    Зөв үл хөдлөх хөрөнгөд хөрөнгө оруулна гэдэг нь юу гэсэн үг вэ?
 

Үл хөдлөх хөрөнгийн үнэ урт хугацаандаа өсөлттэй байдаг. Гэхдээ үл хөдлөх хөрөнгө л бол бүгд үнэ нь ирээдүйд өснө гэсэн үг биш. Ер нь бол ОУ-ын жишгээр хотын төвд, төр захиргааны байгууллагууддаа ойр байршилтай байх нь тухайн ҮХХ-ийн ирээдүйн үнэ цэнийг улам илүү өсгөдөг. Жишээ нь оффисын хувьд бизнес төвлөрсөн байршилд, худалдааны төвийн хувьд худалдан авагчиддаа ойрхон, хөл хөдөлгөөн ихтэй байршилд байрлаж өндөр борлуулалттай байх нь ирээдүйд үнэ цэнэ улам өснө гэсэн үг. Тэгэхээр бид ирээдүйд үнэ өсөх зөв хөрөнгөд цагийг нь олж хөрөнгө оруулснаар өндөр өгөөж хүртэх боломжтой. Өнөөдрийн хэн ч тоохгүй муухай гэж харагдаж байгаа гэр хороолол ихтэй, шороон замтай газар нь ирээдүйд өндөр үнэ цэнэтэй байршил болж болох юм.

    Улаанбаатар хотын аль хэсэг ирээдүйд үнэ цэнэтэй байршил болох вэ?
 

Одоогийн байдлаар Улаанбаатар хотод 24 байршилыг хөгжүүлэхээр Нийслэлийн хот дахин төлөвлөлтөөр батлагдаж эхний ээлжийн ажлууд хийгдэж эхлээд байна. Хотын төвд хамгийн ойрхон барилгажаагүй том бүс бол 100 айл буюу VII хороолол юм. Энэ жил Улсаас дэд бүтцийн ажлыг хийж ерөнхийдөө дууссан. Одоогийн байдлаар төлөвлөж байгаа 10 оффис, 2 худалдааны төв, нийслэлийн газар төлөвлөлтын албанд үйлчилгээ, үйлчилгээтэй орон сууц нийт 20 байршилд батлуулаад, 4 орон сууцны хороолол баригдах зөвшөөрлөө албан ёсоор аваад зарим нь барилгын ажлаа эхэлсэн байгаа. Жишээ нь дээрх оффисуудад худалдахгүй зөвхөн түрээслэхээр төлөвлөж байгаа 21-н давхар оффис, Монголын хамгийн анхны Рок попын ордон, УБ хотын томоохон цэцэрлэгт хүрээлэн гээд хийхээр төлөвлөсөн төслүүд эхлэж байгаа нь уг байршилын ирээдүйн үнэ цэнийг улам өсгөж байна.

    Улаанбаатар хотод бизнесийн төвүүд, оффисууд зөндөө байдаг. Яагаад заавал бизнесийн дүүрэг хэрэгтэй гэж тэр олон нийлүүлэлтийг хангах эрэлт байгаа гэж үү?
 

Улаанбаатар хотын төвд томоохон хэмжээний газар байхгүй болохоор орон сууцны дунд ганц нэг оффисийн барилга салангид баригдаж байна. Харин дэлхийн томоохон хотуудыг харахад хот бүрт томоохон “Business district” байдаг. Лондон, Москва, Бээжин гээд бүх томоохон хотуудад ийм төв, дүүрэг бий. Харин тэдгээр бизнес дүүргийн онцлог нь хотын төвд, олон оффис худалдаа, үйлчилгээний төвүүд зэрэгцэн оршиж байдагт байдаг. Тэгвэл Монголд анх удаагаа 300 метрийн тойрогт томоохон оффис, худалдаа үйлчилгээний төвүүд, үйлчилгээтэй орон сууц, үйлчилгээтэй оффис гээд олон газар баригдахаар төлөвлөгдөж байна. 2015 оны сүүлээр гэхэд Улаанбаатар хотын Бизнесийн шинэ дүүргийн дүр төрх бий болно гэдэгт итгэлтэй байна. Бизнес дүүрэг гэхээр л хөл хөдөлгөөн ихтэй бизнес яригдаж, мөнгө эргэлдсэн газар болно гэж харж байгаа. ProONE төслийг эхлүүлэхээс өмнө бид 3 удаагийн судалгаа, шинжилгээ хийсний үндсэн дээр эрэлт, худалдан авагчдын хэрэгцээ шаардлагыг маш сайн судлаж, мэдэрсэн.

    Танай компаний хэрэгжүүлж буй ProONE төслөөс худалдан авснаар 75%-ийн өгөөж хүртэх боломжтой гэж байгаа үүнийг тайлбарлаж өгнө үү? Үнэхээр боломжтой гэж үү?
 

Боломжтой. Дээрхи судалгаанаас харахад оффисын зах зээлийн дундаж үнэ сүүлийн 3 жилийн хугацаанд дунджаар 18%-ийн өсөлттэй байна. 2020 он хүртэл жил бүрийн дундаж үнийн өсөлтийг хамгийн багадаа 10%-иар өснө гэж таамаглавал өнөөгийн оффисын зах зээлийн дундаж үнэ 5-6 жилийн дараа 77%-иар өснө.

Өнөөгийн оффисын зах зээлийн нийлүүлэлтийн үнэ нь оффисын эрэлттэй аж ахуйн нэгжүүдийн худалдан авах үнийн хүлээлтээс хэт өндөр байгаа нь худалдан авалтанд сөргөөр нөлөөлж байна. Иймээс ProONE оффисын үнэ нь зах зээлийн эрэлтэнд нийцүүлж, судалгаагаар тогтоосон бодит үнэ юм.

Харин Pro ONE төслийн байршлын ирээдүйн үнэ цэнэ болон барилгажилтын явцаас хамаарч 2015 онд ашиглалтанд ороход 13 сарын дараа одоогийн борлуулагдаж байгаа үнэ тухайн үеийн зах зээлийн дундаж үнэтэй харьцуулахад 75% өгөөж буюу ашиг хүртэх боломжийг “Мастер пропертис” компани ҮХХ-ийн салбарт ажилласан 7 жилийн ажлын туршлага дээрээ үндэслэн баталгаа гаргаж байгаа. Хямралын үеийг ашиглаад өндөр ашигтай хөрөнгө оруулалт хийх боломж байна.

Төслийн талаархи илүү дэлгэрэнгүй мэдээллийг хаанаас яаж авах бэ?

Бид эхлээд зөвлөдөг. Та бүхэн 99900184, 99900181 дугаарын утсаар холбогдож мэдээлэл авах боломжтой.